web counter
LEXO PA REKLAMA!

SHKARKO APP

App Store
Google Play

“Distancohemi nga Berisha dhe Meta”/ Astrit Patozi flet për koalicionin me Dashamir Shehin

18 Shkurt 2023, 08:50, Politikë CNA

“Distancohemi nga Berisha dhe Meta”/ Astrit Patozi flet për

Ish-koordinatori i Bindjes Demokratike, Astrit Patozi, i cili një ditë më parë ka firmosur koalicionin parazgjedhor me kreun e LZHK-së, Dashmir Shehi, ka thënë se ky format nuk e dëmton opozitën.

Në emisionin “Arnautistan”, Patozi është shprehur se ata distancohen nga vizioni i Berishës dhe Metës, por ruajnë tragetin opozitar duke rivalizuar qeverinë.

“Ne bashkë me LZHK-në, dhe me disa shoqata dhe përfaqësues të partive politike të djathta, kemi krijuar një adresë të re opozitare, duke u distancuar nga vizioni politik i Foltores së Sali Berishës dhe Partisë së Ilir Metës që ne i konsiderojmë e njëjta gjë. Por duke ruajtur tragetin opozitar, ne kemi përballë qeverinë dhe e rivalizojmë me të gjithë faktorët e tjerë, me të cilët nuk ndajmë të njëjtin vizion me të nesërmen. Ky format s'e dëmton opozitën, përkundrazi e fuqizon, nëse e konsiderojmë si shumatore të gjithë aktorëve opozitarë në Shqipëri”, ka thënë Patozi.

Ndër të tjera Patozi ka folur mbi dallimet mes PS dhe PD. Patozi thotë se është kundër ndarjes në të djathtë dhe të majtë.

“E refuzoj kategorikisht ndarjen e shqiptarëve në të majtë e të djathtë. Aq më tepër në kushtet që s’ka asnjë lloj elementi ideologjik. Shoh nuanca të forta djathtiste në qeverisjen e Ramës dhe nuanca staliniste në psikologjinë e Foltores, apo filozofinë e PD”, është shprehur ai./CNA.al





Lajmet e fundit nga