web counter
LEXO PA REKLAMA!

SHKARKO APP

App Store
Google Play

Skandali McGonigal/ Basha bën rolin e viktimës

17 Shkurt 2023, 17:43, Politikë CNA

Skandali McGonigal/ Basha bën rolin e viktimës

Prej javësh po diskutohet për skandalin e ish-zyrtarit të FBI-së, Charles McGonigal dhe lidhjet e tij me politikanët shqiptarë.

Opozita ka ngritur akuza për pagesa të McGonigal edhe nga ish-kryetari i Partisë Demokratike, Lulzim Basha, por ky i fundit nuk ka folur për këtë çështje deri më tani.

Mbrëmjen e sotme Basha është viktimizuar për këtë skandal. Teksa është pyetur për akuzat me Shtëpinë e Verdhë, ish-kreu i PD-së u ndal edhe te rasti i “McGonigal”.

Ai pretendon se sulmet ndaj tij po intensifikohen në prag të zgjedhjeve, në funksion të një interesi të lig.

“Ka qenë një rrugëtim plot sfida që nuk ka nisur me brezin tonë, por me paraardhësit. Ata kanë sakrifikuar gjithçka për këto ditë.

Kanë qenë etapat e fundit të një diplomacie të ngarkuar, por dhe finishi. Menjëherë pas deklaratës së presidentit Bush patëm një përshpejtim të arritjes së një konsensusi me palën serbe. Më pas dështimi i kësaj faze, i hapi rrugë shpalljes së pavarësisë. Momenti më i veçantë ka qenë kontakti i parë me sekretaren Rajs, ajo ishte personi më i lartë që ndiqte procesin e shpalljes së pavarësisë së Kosovës.  

Shiko, asgjë nuk e zhbën sensin e privilegjit dhe krenarisë që kam për kontributin në pavarësinë e Kosovës dhe më shumë në grupin që hetoi krimet e Serbisë në Kosovë.

Ndërsa fatkeqësisht në Shqipëri ka një mekanizëm të lig në funksion të një interesi të lig, të errët. Lufta ndaj meje nuk kufizohet vetëm nga skandali McGonigal. Por edhe me sulme të tjera që intensifikohen në prag të zgjedhjeve. Zoti Gubi në hetimin e Shtëpisë së Verdhë në Mat, apo edhe  zoti Dash Peza kanë çmontuar shpifjet banale ndaj meje. Të gjitha këto akuza kanë rënë kanë dalë që janë të pavërteta”, tha Basha./ CNA.al





Lajmet e fundit nga