web counter
LEXO PA REKLAMA!

SHKARKO APP

App Store
Google Play

Meta bën teatër me hallet e shqiptarëve

17 Shkurt 2023, 19:12, Politikë CNA
Meta bën teatër me hallet e shqiptarëve
Kryetari i Partisë së Lirisë, Ilir Meta

Kryetari “luksoz” i Partisë së Lirisë, Ilir Meta, që ka një pasuri prej 4 miliardë lekësh, ka folur për hallet e shqiptarëve.

Në mbledhjen e sotme me kryesinë e PL-së, Meta përmendi problemet e qytetarëve dhe foli si të ishte fitues i zgjedhjeve të 14 majit.

Ai u ankua se taksat e shqiptarëve po shpërdorohen për projekte që nuk realizohen pasi qeveria përvetëson fondet.

"E rëndësishme është t'i japim fund monizmit. Do mbrojmë të drejtat e qytetarëve. 14 maji do të jetë frymëmarrje e re për demokracinë tonë. 14 maji do të jetë dita e fundit të monizmit. Të rikthehet llogaridhënia në çdo bashki të vendit. Ky komunikim intensiv me qytetarët në terren do të na çojë drejt atij rezultati spektakolar që do të arrijë opozita në 14 maj. Sirenave të dëshpërimit dot t'u përgjigjemi me optimizin e popullit të lirisë.

Ata të cilët nuk bëjnë dot më asnjë premtim para qytetarëve dhe kanë zgjedhur të vetmen rrugë intiminimin, frikësimin, janë në panikun e humbjes që i pret dhe çdo provokim që bëjnë ndaj opozitës i bën edhe më të pashpresë, i izolon edhe më shumë, pasi edhe vetë socialistët e ndershëm e kanë kuptuar se me Edi Ramën dhe sektin e rilindjes edhe shtëpitë e vatrat e socialistëve shkretohen e zbrazen çdo ditë, përveçse xhepave të familjeve dhe tryezave të familjeve të tyre. Vetëm një pakicë e pashpirt që nuk njeh Kushtetutë, që nuk njeh ligj ka përfituar dhe po përfiton në kurriz të shumicës së shqiptarëve e cila do t'i japë përgjigjen e merituar rilindjes jo vetëm në 14 maj, por edhe më përpara po të jetë nevoja", theksoi Meta./ CNA.al





Lajmet e fundit nga