LEXO PA REKLAMA!

SHKARKO APP

Pas "Big Brother"-it me “Prestige Resort”/ Ku shkoi linja e famshme editoriale e Irfanit dhe  ku u zhdukën “të mbyturit” e pishinave?

11 Dhjetor 2022, 10:07, Aktualitet CNA

Pas "Big Brother"-it me “Prestige Resort”/ Ku shkoi linja

"Prestige Resort", u shndërrua për ditë me radhë “Big Brother" për shqiptarët. Për ditë të tëra, 24 orë në 24, kamerat u instaluan te "Prestige Resort" i Irfan Hysenbelliut.

Zbriti e kush nuk zbriti nga opozita në "Prestige Resort", duke vajtuar prishjen e ndërtimeve pa leje e duke sulmuar pa ndaluar institucionet.

Jo s’ka vendim prishjeje, jo po bëhet për t’i mbyllur gojës medias së Irfanit, e të tjera legjenda si këto qarkulluan për ditë me radhë.

Pas "Big Brother"-it me “Prestige Resort”/ Ku shkoi linja

Numëroheshin vrimat për vendosjen e eksplozivit, u tha se po shkatërrohej turizmi, e çfarë nuk u tha për ditë e netë me radhë.

Pas prishjes së "Prestige Resort", aksioni i IKMT-së ka vazhduar. Stacioni i radhës është bregdeti i Dhërmiut, për t’u pastruar nga ndërtimet pa leje.

Një objekt katër katësh plus një nën tokë, me sipërfaqe 2 100 m2, do të shembet pasditen e sotme.

Pas "Big Brother"-it me “Prestige Resort”/ Ku shkoi linja
Objekti që do të shembet sot në Dhërmi

Për shembjen e këtij objekti do të përdoren 30 kg lëndë plasëse tritol, të vendosur në 600 furnela (vrima), në të gjithë objektin.

Inspektorët e IKMT së bashku edhe me Policinë e Shtetit, kanë marrë masat për lajmërimin e banorëve në afërsi të objektit si dhe për vendosjen e perimetrit të sigurisë.

Por ndryshe nga "Prestige Resort", për këtë objekt, i cili shembet sot në orën 15.00 me shpërthim të kontrolluar, nuk ka asnjë raportim, asnjë reagim.

Nuk flasin as deputetët e opozitës, nuk flet as Irfan Hysenbelliu dhe nuk flasin as mediat e tjera.

Turizmi shkatërrohej vetëm në "Prestige Resort" të Irfan Hysenbelliut, që përdorte mediat e tij për të mbrojtur ndërtimin pa leje dhe duke e servirur si hakmarrje ndaj tij për linjën editoriale.

Ndërsa për objektin që do të shembet sot, Irfani që pasqyron realitetin me linjën e tij editoriale, hesht.

Heshtin dhe deputetët e opozitës, pasi në Dhërmi nuk bëhet fjalë për një Irfan që i nxjerr në televizione dhe që kanë mundësi të dalin hapur pro ndërtimeve pa leje.

Kjo është fytyra e vërtetë e atyre që vajtuan për ditë të tëra në Golem me në krye Irfanin, deputetë e gazetarë që po “digjeshin” për "Prestige Resort"./CNA.al

Lajmet e fundit nga