LEXO PA REKLAMA!

SHKARKO APP

“Dashuronte marrëzisht dhe lëvronte gjuhën shqipe”/ Albert Vataj përkujton Robert Shvarvc, mesazh gazetarëve

10 Dhjetor 2022, 22:09, Aktualitet CNA
“Dashuronte marrëzisht dhe lëvronte gjuhën shqipe”/
Robert Shvarc

Gazetari Albert Vataj ka përkujtuar në 90-vjetorin e tij të lindjes shqipëruesin Robert Shvarc.

Vataj shprehet nëpërmjet një postimi në rrjete sociale, se Shvarc dashuroi marrëzisht dhe lëvroi gjuhën shqipe, të cilën kishte nisur ta mësonte që në moshën 6-vjeçare.

Albert Vataj përmend disa nga veprat që Shvarc ka përkthyer dhe përshtatur në shqip, si romanet e Remarkut, Gëtes, Fojtvangerit, Apicit, Travenit dhe Markezit.

Gazetari gjithashtu u bën thirrje të rinjve dhe kolegëve të ruajnë gjuhën shqipe si identitet të kombit.

“Sot në 90-vjetorin e lindjen se Robert Shvarc.

“Dashuronte marrëzisht dhe lëvronte gjuhën shqipe”/

Me përkthimet e mia, u kam treguar popujve fqinjë se gjuha shqipe është një nga më të vjetrat dhe më të pasurat. Nuk ka asgjë të papërkthyeshme në gjuhën shqipe, përderisa janë përkthyer vepra unike si "Iliada" e Homerit, "Komedia hyjnore" e Dante Aligerit etj.

Gjej rastin t‘u bëj thirrje gazetarëve dhe gjithë të rinjve të ruajnë këtë gjuhë si identitet të kombit, për më tepër tani kur shumë shqiptarë që jetojnë jashtë vendit rrezikojnë të harrojnë gjuhën e tyre".

Këto rruaza kumtimesh shpirti i ka lënë të skalituna në memuarin e së tashmësi si shkas mëtimi, si shtys ndërmëndje dhe mirënjohje sot në 90-vjetorin e lindjes së shqipëruesit Robert Shvarc.

Ai erdhi në jetë më 10 dhjetor 1932 në Sarajevë, nga një baba hebre nga Austria dhe një nënë nga Elbasani. Do të dashuronte marrëzisht dhe ta lëvronte mjeshtërisht gjuhën shqipe, të cilën nisi ta mësonte në moshën 6-vjeçare. Shvarc jetësoi në shqip një kolanë të tërë veprash monumentale të letërsisë botërore, prej të cilave përmenden romanet e Remarkut, Gëtes, Fojtvangerit, Apicit, Travenit dhe Markezit.

Robert Shvarc u nda nga jeta, më 25 prill 2003, pas një sëmundjeje të gjatë zemre duke lënë një boshllëk të madh në familjen e tij, poezi, përkthim por edhe në atë univers vlerash njerëzore.

Përjetësia i ka bërë vend këtij shpirti në pafundsinë e mbushur me dritën e hyjshme të së perëndishmes, ku ai blatoi pasionin e shqipes, gjuhës së tamëlt të krijimit e këndimit të bardëve të poezisë dhe kushtrimit të zemrave prej zjarri”, shkruan gazetari./ B.A. – CNA.al

Lajmet e fundit nga