LEXO PA REKLAMA!

SHKARKO APP

Pas DASH/ Yuri Kim "mbyt" SPAK-un me lëvdata

10 Dhjetor 2022, 14:54, Aktualitet CNA

Pas DASH/ Yuri Kim "mbyt" SPAK-un me lëvdata

Pas një editoriali të gjatë, ku theksoi se korrupsioni cenon vendin dhe brezat e ardhshëm, ambasadorja e SHBA-së, Yuri Kim, ka reaguar sërish, duke përcjellë mesazhe inkurajuese institucioneve të drejtësisë.

Nisur blogu Todd D. Robinson, Ndihmës Sekretar në Departamentin Amerikan të Shtetit i publikuar nga DASH, i cili tregonte vlerësimin për punën e SPAK, për vitin 2022, ku thuhej se gjatë kësaj periudhe janë arrestuar ish-ministra, ish-deputetë dhe personazhe të tjerë të lidhur me krimin, edhe Yuri ambasadorja e SHBA-së në Tiranë, vlerësoi SPAK-un për punën e bërë.

Ajo i konsideron të jashtëzakonshme, arritjet e Prokurorisë së Posaçme përgjatë këtij viti. 

“Kënaqësi të shoh se si SPAK vlerësohet për arritjet e tij gjatë vitit 2022. Presim edhe më tepër arritje gjatë vitit 2023”, shkruan Kim në "Twitter"./CNA.al

Lajmet e fundit nga