LEXO PA REKLAMA!

SHKARKO APP

Deklarata e fortë e gazetarit/ Treshja Rama-Vuçiç-Erdogan mbajnë njëri-tjetrin në pushtet

9 Dhjetor 2022, 23:07, Aktualitet CNA
Deklarata e fortë e gazetarit/ Treshja Rama-Vuçiç-Erdogan
Gazetari Arjan Çani

Gazetari Arjan Çani ka deklaruar se Edi Rama, Aleksandër Vuçiç dhe Rexhep Taip Erdogan po mbajnë njëri-tjetrin në pushtet.

Çani është shprehur në emisionin e gazetarit Çim Peka se loja që po bën Rama me liderin e Turqisë dhe Serbisë është një lojë e rrezikshme, dhe askush nga kryeministrat e mëparshëm nuk ka mundur ta bëjë atë më parë.

Ai ka shtuar ndër të tjera se Rama ka preferuar të jetë i butë me të fortët, t'u bëjë lajka, t'u marrë vëmendje, t'i joshë dhe në momentin kur është i dobët mund të bëjë gjithçka me ata.

”Sjellja e Ramës edhe brenda territorit edhe jashtë territorit shqiptar është e njëjtë. Ka preferuar të jetë i butë me të fortët, t'u bëjë lajka, t'u marrë vëmendje, t'i joshë dhe në momentin kur është i dobët mund të bëjë gjithçka. Në Shqipëri ka bërë të njëjtën gjë qoftë me opozitën, qoftë me partnerët e tij. Kështu ka bërë edhe kur ka qenë kryetar bashkie, pastaj pak nga pak filloi të... Të njëjtën gjë bën edhe me partnerët ndërkombëtarë. Loja që po bën Rama përtej qëndrimeve që ne mund të mbajmë secili prej nesh që, po është e rrezikshme loja që po bën me Erdogan, është e rrezikshme loja që po bën me Vuçiç, por loja e tij është brilante. Askush nga kryeministrat e Shqipërisë s'e ka bërë. Marrëdhënia e tij me Vuçiç dhe Erdogan  të cilët janë jashtë strukturave të BE unë them se e ka në favor. Sa herë ka takime ndërkombëtare, Rama-Vuçiç-Erdogan mbajnë njëri-tjetrin. Dhe treshja Rama-Vuçiç-Erdogan mbajnë njëri-tjetrin me pushtet. Erdogan është bos i madh, por edhe mbretit i bëhet qejfi kur dikush e kreh në drejtimin e qimeve të tij”, ka theksuar gazetari./ CNA.al

Lajmet e fundit nga