web counter
LEXO PA REKLAMA!

SHKARKO APP

App Store
Google Play

E fundit!

x

Gjergj Luca lartëson Nikolla Kallfën në Maliq/ Mesazh frymëzues në nderim të ish-drejtorit të Kombinatit të Sheqerit

9 Dhjetor 2022, 20:45, Aktualitet CNA
Gjergj Luca lartëson Nikolla Kallfën në Maliq/ Mesazh
Gjergj Luca me bustin e Nikolla Kallfës

“Rozafa Fisha City” në Maliq po fillon të marrë jetë. Teksa ende po bëhen punime para se të gjallërohet qyteti më i ri, te “Fish City” në Maliq është vendosur busti i Nikolla Kallfës, ish-drejtorit të Kombinatit të Sheqerit.

Biznesmeni Gjergj Luca ka dhënë një mesazh frymëzues duke nderuar figurën e Nikolla Kallfës.

Me anë të një videoje, Luca thotë se toka duhet të lindë burra të tillë si Nikolla Kallfa, i cili ndërroi jetë në ballë të punës dhe në mes të njerëzve.

“Përshëndetje miq, përshëndetje!

Ky burrë këtu është Nikolla Kallfa, është ish-drejtori i kombinatit që ka marrë pjesë në të gjithë ndërtimin e këtij kombinati të madh dhe pastaj ka drejtuar mijëra punonjës, nga Korça, Maliqi, nga të gjithë vendet. Dhe ne zgjodhëm që momentin e parë të rikujtojmë këtë burrë të madh dhe e kemi vënë pikërisht pranë flamurit kombëtar.

E kemi vënë se ky njeri ka ndarë gëzimin e vet, jetën e vet me njerëzit dhe ka ndërruar dhe jetë mes njerëzve, në mes të punës, në mes të gëzimit që të krijon puna. Dhe nuk ka burrë që të përmendet në të gjithë këtë zonë, nga të gjithë njerëzit që unë kam takuar për shpirtin e tij, për frymëzimin e tij që ka dhënë tek njerëzit.

Dhe në rrugëtimin tonë, qytetin e ri “Fish City” në Maliq, pikërisht do ta fillojmë nëpërmjet këtij burri që ka qenë shembulli më i madh i punës, i frymëzimit, i jetës dhe të vërtetës që krijon puna. Qoftë i paharruar kujtimi i këtyre burrave dhe të mundohemi t’i promovojnë te të gjithë të rinjtë gjithë sakrificën që kanë bërë për të ndërtuar këtë vend, për të motivuar njerëzit.

Faleminderit miq! Dhe ishallah edhe kjo koha e sotme “pjell” burra si puna e këtyre këtu që kanë qenë 22 karat! Respekte!”, thekson biznesmeni./ B.A. - CNA.al





Lajmet e fundit nga