web counter
LEXO PA REKLAMA!

SHKARKO APP

App Store
Google Play

Flet avokati i 31-vjeçarit që goditi Berishën/ Çfarë thotë Shehu në deklaratat e tij

9 Dhjetor 2022, 13:48, Aktualitet CNA
Flet avokati i 31-vjeçarit që goditi Berishën/
Avokati Ervis Lila

Avokati i 31-vjeçarit Gert Shehu, Ervis Lila, ka folur në lidhje me sulmin që iu bë kreu të PD-së, Sali Berisha, në protestën e 6 dhjetorit.

Pas përfundimit të seancës gjyqësore, avokati Ervis Lila u pyet nga gazetarët nëse Shehu i ka treguar arsyen se përse ai goditi Berishën.

Sipas avokatit, Shehu nuk është i qëndrueshëm në deklaratat e tij, ndërsa nënvizoi se, duhet bërë akti i ekspertimit në mënyrë të zgjeruar.

“Ai bën fragmente, deklarime të ndryshme. Nuk pata komunikim që të krijoj, pse u bë. Më shumë jemi të përqendruar në këtë pjesë, te akti i ekspertimit, për të caktuar, që të dimë thëniet e tij, se sa janë për bazë. Jo, edhe aty në seancë ia kërkuam prokurorit, por jemi përqendruar tek akti i ekspertimit.

Nuk pati asnjë lloj të pjesës së dinamikës, vetëm tha që u bë goditja, fakti i njohur, por pjesa e shkaktuar pse u bë kërkon hetime. Personi vazhdon në Spitalin e Traumës, atë do ta përcaktojnë mjekët sa ka dhe si i ka këto dëmtime. Akti i ekspertimit psikiatrik do të jetë shumë përcaktues, ne e kemi kërkuar të zgjeruar, të përfshihen edhe profesorë të tjerë, ajo do përcaktonte të gjitha shkakun”, theksoi ai./ CNA.al





Lajmet e fundit nga