web counter
LEXO PA REKLAMA!

SHKARKO APP

App Store
Google Play

E fundit!

x

Gjykata Kushtetuese, ultimatum Kuvendit/ “Të plotësohet boshllëku ligjor për votën e emigrantëve”

9 Dhjetor 2022, 18:31, Aktualitet CNA
Gjykata Kushtetuese, ultimatum Kuvendit/ “Të plotësohet
Gjykata Kushtetuese 

Gjykata Kushtetuese ka pranuar pjesërisht kërkesën e shoqatës “Diaspora për Shqipërinë e Lirë”, duke konstatuar kështu cënimin e të drejtës kushtetuese të votës së emigrantëve në zgjedhjet për Kuvendin.

Në vendimin e Kushtetueses, thuhet se cënimi i votës së emigrantëve ka ardhur si pasojë e boshllëkut ligjor.

Gjykata i ka kërkuar Kuvednit plotësimin e boshllëkut ligjor brenda një viti nga hyrja në fuqi e vendimit.

“Gjykata Kushtetuese, në mbështetje të neneve 131, pika 1, shkronja “a” dhe 134, pika 1, shkronja “h”, të Kushtetutës, si dhe neneve 49, pika 3, shkronja “d”, 51/a, pika 1, shkronja “b” dhe 72 të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, të ndryshuar, me shumicë votash ,

VENDOSI:

1. Pranimin e pjesshëm të kërkesës.

2. Konstatimin e cenimit të së drejtës kushtetuese të votës së emigrantëve, në zgjedhjet për Kuvendin, për shkak të boshllëkut ligjor.

3. Detyrimin e Kuvendit për plotësimin e boshllëkut ligjor brenda një viti nga hyrja në fuqi e këtij vendimi.

4. Pushimin e gjykimit lidhur me Urdhrin nr. 219, datë 19.04.2021 të Ministrisë së Shëndetësisë.

Ky vendim është përfundimtar dhe hyn në fuqi ditën e botimit në Fletoren Zyrtare.

Vendimi përfundimtar do të shpallet i arsyetuar brenda afateve ligjore të parashikuara nga ligji nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë”, i ndryshuar dhe nga Rregullorja për procedurat gjyqësore të Gjykatës Kushtetuese”, shkruhet në vendimin e Gjykatës.





Lajmet e fundit nga