“Mos harxho më kot kafe e çaj”/ Murrizi, mesazh Yuri Kim: Këta të flakin kur s’ju hyn më në punë

9 Dhjetor 2022, 21:40, Aktualitet CNA

“Mos harxho më kot kafe e çaj”/ Murrizi, mesazh Yuri

Ish-deputeti i Partisë Demokratike, Myslim Murrizi

Ish-deputeti i Partisë Demokratike, Myslim Murrizi ka reaguar pas lajmit për përfundimin e manadatit të ambasadores së SHBA-ës në Shqipëri, Yuri Kim.

Murrizi ka ndarë në rrjete sociale një shkrim dedikuar ambasadores, ku me fjalët e tij në formën e një këshille i ka sugjeruar Yuri Kim që ta bëjë sa më shpejtë koktejin e lamtumirës në mënyrë që mos të shpallet non-grata.

Gjithashtu ai është shprehur se kjo masa e rreptë ndëshkimi vlen edhe për amabasadorët e vendeve të tjera që ata të rrinë “urtë” dhe në “rresht” pasi ata do të jenë nën “hyqmin” e qeverisë së Ramës për sa kohë ai do të ketë Sorrosin mik.

Statusi i plotë:

E nderuar Znj. Kim!

Të kam bërë disa herë thirrje publikisht që të kesh “kujdes” me qeverinë Rama se ata kanë mik dhe shok “padronin” tënd Sorrosin ndaj nuk pyesin fare për ju, sidomos kur ju kerkoni të dilni nga “rreshti”, sepse prej 3 vitesh Rama ju ka konsideruar si vartëse të Znj. Xhaçka dhe jo siç keni menduar ju se ju konsideron.

Ndaj edhe “shkarkimin” tënd e “firmosi” dje Znj. Xhaçka sepse ju keni dalë “pak” nga “rreshti” duke marrë përsipër të diktoni KLP për të zgjedhur më datë 16 si drejtues të SPAK-ut, Z. Dumani ndërkohë që qeveria, partia, bashkia, prokuroria,”shoqnia” e “çunave problematik” preferojnë tjetër kënd.

“Mos harxho më kot kafe e çaj”/ Murrizi, mesazh Yuri

E-mailet që ju Znj. Kim ju dërguat nominalisht anëtarëve të KLP ku i ftonit në takim tek e tek në rezidencën tuaj nga data 1 dhjetor deri në 12 dhjetor. Gëzuan anëtarët e KLP se u ndjenë të “rëndësishëm” dhe të vlerësuar, por shqetësuan KÇK e Ramës dhe tufën e tij qeverisëse në qeveri, bashki, prokurori, drejtësi, politikë, biznes.

Prandaj më degjo mua si fshatar që jam të paktën këtë herë pas “shkarkimit” që të bëri dje Olta.

Mos harxho më kot kafe, çaj, ujë apo qumësht këto 3 ditë me 3 anëtarët e tjerë të KLP që të kanë ngelur pa takuar deri më datë 12, sepse ata 8 anëtarë qe ke takuar deri sot, kanë “raportuar” me “detaje” tek padronët e tyre fjalë për fjalë çfarë ju ke thënë.

Edhe pse jo të gjithëve ju ka thënë troç për kë duhet të votojnë, përsëri ata e kanë kuptuar për çfarë i ke thirrur dhe kë deshiron ti që ata të votojnë.

Mirëpo ndoshta ju Znj. Kim nuk keni “kuptuar” që KLP nuk ju ka më frikë e as ka ndonjë interes tek ju sepse ata pas 1 viti mbarojnë mandatin dhe duan ta kenë mirë me qeverinë, bashkinë, partinë, prokurorinë, shoqërinë se kanë pothuajse të gjithë familjaret e tyre të punësuar në shtet, në pushtet, në qeveri, në bashki, në prokurori, në drejtësi dhe kanë marrë ndonje gjë të “vogël” edhe nga “ shoqeria”.

Ndërsa ju Znj. Kim as ju dhatë status prokurori, as keni mundësi të punësoni familjaret e tyre në qeveri, bashki, drejtësi etj.

Prandaj e nderuar Znj. Kim, që 11 anëtarët e KLP ta marin vesh mirë kush është “kapo” dhe kush është më i forti, qeveria “vendosi” dje “ shkarkimin” tuaj nga detyra.

“Mos harxho më kot kafe e çaj”/ Murrizi, mesazh Yuri

Kështu që nga sot mos harxho as kohë më fare për të takuar askënd jo vetëm nga KLP, por as nga SPAKU, KLGJ, KED, Gjykata , Prokuroria, se askush nuk ju degjon më.

Dhe nëse në vendin tuaj vjen Z. David, ka shumë mundësi që në koktejlin e largimit tënd, mund të thonë që të ka “shkarkuar” Znj. Rudina Hajdari, por të paktën një herë me dëgjo mua se mikja ime Rudina, nuk ka “dorë” fare në “shkarkimin” tënd.

Bile të sugjerojë shumë miqësisht Znj. Kim që ta bësh sa më shpejtë koktejlin e “lamtumirës” dhe ftoj të gjithë pa përjashtim, që tu japësh të kuptojnë se e keni “kuptuar” mirë “gabimin” që këni bërë, se ndryshe kam frikë se do të shpallin non grata e do të “përzenë” pa ardhur shkresa e “shkarkimit.

Kjo “masë” e rreptë “ndëshkimi” vlen edhe për ambasadorët e tjerë të vendeve të tjera që të rrinë “urtë” dhe në “rresht” e të mos “mendojnë” se ata varen nga qeveritë e vendeve te tyre, por ata janë nën “hyqmin” e qeverisë së Ramës sa të ketë Sorrosin mik shokë, padron, apo Aleksin vëlla.

Dhe nëse ndonjë ambasador i ndonjë shteti tjetër do të guxojë që t’ia prishi sado pak terezinë qeverisë dhe “kapos”, ka shumë mundësi që të shkojë IKMT për t’i vënë eksploziv e ta rrëzojë njëlloj si “Hotel Prestige” në Golem.

Eeehhhh e nderuar Znj. Kim.

Nuk bëhet “shaka” me lidera global të nivelit galaktik si kapo i qeverisë shqiptare.

Ishalla nuk të ka marrë inat shumë siç mori Benin e disa ish-ministra të tij që i shkarkoi para pak kohësh e nuk ju flet më fare me gojë, se pastaj mund të “dalesh” në pension fare edhe pse nuk je ne moshë pensioni.

Të përshëndes Znj. Kim dhe uroj që të “shpëtosh” me sa më pak “ndëshkim” se ke pak kohë qe nuk je “sjellë” mirë sidomos kur u mërzite me shkarkimin e “kampion” Gledisit të policisë.

Mos u mërzit dhe mos u zhgënje nga këta mosmirënjohës se këta nuk dinë gjë tjetër veçse të “flakin” kur mendojnë që nuk ju hynë më në punë.

Ndaj të uroj miqësisht dhe shumë sinqerisht suksese në jetë./ CNA.al