web counter
LEXO PA REKLAMA!

SHKARKO APP

App Store
Google Play

E fundit!

x

Meteorologët parashikojnë rrebeshe/ Bashkia e Shkodrës del me njoftimin e rëndësishëm

9 Dhjetor 2022, 22:38, Aktualitet CNA
Meteorologët parashikojnë rrebeshe/ Bashkia e Shkodrës del me
Foto ilustruese

Meteorologët kanë parashikuar reshje shiu, shoqëruar me rrebeshe dhe stuhi gjatë fundjavës.

Duke marrë shkas nga kjo, Bashkia e Shkodrës ka dalë me një njoftim për të gjithë banorët vendas.

Bashkia e Shkodrës ka paralajmëruar qytetarët të marrin masa për çdo problematikë, pasi mund të ketë shkarkime në Kaskadën e Drinit.

“Të dashur banorë të Bashkisë Shkodër! Bazuar në parashikimet e IGJEUM, territori i Bashkisë Shkodër pritet të ketë këtë fundjavë reshje të shumta shiu si dhe reshje dëbore në zonat malore.

Nga ana e Hidrocentraleve në Kaskadën e Drinit sipas raportimeve mund të ketë shkarkime, kjo bazuar në nivelin e prurjeve. Shtabi i emergjencave të Bashkisë Shkodër është në gatishmëri për çdo situatë që mund të paraqitet. Ju lutemi banorëve të nënShkodrës të marrin masa, të kenë vëmendje të shtuar, si dhe raportim sa më të shpejtë të problematikave që mund të shfaqen në këto njësi duke njoftuar në numrin e celularit: 067 303 5950”, thuhet në njoftim./ B.A. – CNA.al





Lajmet e fundit nga