web counter
LEXO PA REKLAMA!

SHKARKO APP

App Store
Google Play

Samiti i G7-ës/ Trump pritet të udhëtojë për në Francë

3 Qershor 2026, 22:40, Kosova & Bota CNA

Samiti i G7-ës/ Trump pritet të udhëtojë për në

Presidenti i Shteteve të Bashkuara të Amerikës, Donald Trump, njoftoi në një postim në platformën Truth Social se do të udhëtojë për në Francë për samitin e liderëve të G7-ës.

Samiti është planifikuar të mbahet më 15-17 qershor në Evian. Trump tha se do të nisej për në Paris menjëherë pas ndeshjes së Arteve Marciale të Përziera në Shtëpinë e Bardhë në ditëlindjen e tij, më 14 qershor.

“Do të shkoj në samitin e G7 në Francë menjëherë pas një prej netëve më argëtuese në historinë amerikane: ndeshjeve të Kampionatit Botëror të UFC-së në lëndinën jugore të Shtëpisë së Bardhë. Të dhënat tregojnë se ndërsa Shtëpia e Bardhë ka pritur ndeshje të nivelit shumë më të ulët gjatë gjithë historisë së saj të gjatë dhe të pasur, ajo kurrë nuk është menduar të presë diçka që i afrohet sadopak kësaj: luftëtarët më të mëdhenj në botë, të gjithë kampionë”, thuhet në postimin e tij në “Truth Social”.

Më herët, Sekretari i Shtetit Marco Rubio njoftoi se presidenti amerikan do të marrë pjesë edhe në samitin e NATO-s që do të mbahet në Ankara më 7 dhe 8 korrik. /CNA





Lajmet e fundit nga