web counter
LEXO PA REKLAMA!

SHKARKO APP

App Store
Google Play

E fundit!

x

Kuvajti shpall dy diplomatë iranianë “non grata”/ Urdhëron largimin e tyre brenda 24 orëve

3 Qershor 2026, 17:50, Kosova & Bota CNA

Kuvajti shpall dy diplomatë iranianë “non grata”/

Ministria e Punëve të Jashtme e Kuvajtit ka shpallur dy anëtarë të misionit diplomatik iranian si “persona non grata” dhe ka kërkuar largimin e tyre të menjëhershëm nga vendi brenda 24 orëve.

Sipas njoftimit zyrtar, ministria thirri shefin e misionit diplomatik iranian për t’i paraqitur një protestë zyrtare lidhur me atë që e cilësoi si “sulme të rënda dhe të vazhdueshme” nga Irani. Autoritetet kuvajtiane theksuan se prania e dy diplomatëve nuk është më e pranueshme në territorin e vendit.

Kuvajti deklaroi se vendimi vjen si pasojë e “sulmeve të vazhdueshme, të dhunshme dhe të përsëritura me raketa balistike dhe dronë” nga Irani. Sipas autoriteteve, sulmet e fundit kanë shënjestruar objekte civile dhe infrastrukturë jetike, përfshirë Aeroportin Ndërkombëtar të Kuvajtit.

Nga këto sulme raportohet se ka humbur jetën një person, ndërsa të paktën 63 qytetarë janë plagosur. Gjithashtu janë shkaktuar dëme materiale në objekte të rëndësishme dhe ndërtesa diplomatike.

Ministria e Jashtme e Kuvajtit i cilësoi këto veprime si një shkelje të hapur të sovranitetit dhe integritetit territorial të shtetit, të Kartës së Kombeve të Bashkuara, të parimeve të së drejtës ndërkombëtare dhe të rezolutave përkatëse të Këshillit të Sigurimit.

Në deklaratë theksohet se sulme të tilla përbëjnë një shkelje serioze të normave ndërkombëtare dhe paralajmërohet se Kuvajti do të reagojë me vendosmëri ndaj çdo kërcënimi që cenon sigurinë dhe stabilitetin e vendit. /CNA





Lajmet e fundit nga