web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e policit në Maliq/ Policia: I kërkuari fshihej në stan, hapi zjarr ndaj efektivëve

4 Qershor 2026, 09:21, Kronika CNA

Vrasja e policit në Maliq/ Policia: I kërkuari fshihej në stan,

Policia e Korçës ka ndarë një informacion të detajuar lidhur me ngjarjen e rëndë të shënuar këtë të enjte në zonën e Lozhanit, në malin Boden, Bashkia Maliq, ku një i shumëkërkuar vrau një efektiv të policisë dhe plagosi një tjetër.

Mësohet se rreth orës 07:30, shërbimet e policisë kanë rrethuar stanin ku dyshohej se fshihej personi në kërkim, konkretisht shtetasi Violand Braçellari, 43 vjeç, i dënuar në vitin 2017 me 9 vjet, 11 muaj e 7 ditë burgim nga Gjykata e Korçës, për veprën penale “Prodhimi dhe shitja e narkotikëve”, ndërsa në vitin 2011 ndaj tij është caktuar masa e sigurisë “Arrest në burg”, për veprën penale “Kultivimi i bimëve narkotike”.

Shërbimet e policisë i kanë bërë thirrje të kërkuarit të dilte dhe të dorëzohej, por ai nuk i është bindur thirrjes së policisë dhe ka hapur zjarr në drejtim të punonjësve të policisë, ku për pasojë ka humbur jetën punonjësi i policisë, inspektor E. M., 34 vjeç, dhe ka mbetur i plagosur punonjësi i policisë, inspektor E. A., 36 vjeç, të dy punonjës të Forcës së Posaçme “Shqiponja” të DVP Korçë.

Për të neutralizuar sulmin e të kërkuarit, shërbimet e policisë i janë kundërpërgjigjur me armë zjarri dhe, si pasojë e shkëmbimit të zjarrit, ka mbetur i plagosur edhe i kërkuari, shtetasi Violand Braçellari, i cili më pas është arrestuar.

Në drejtim të vendit të ngjarjes është nisur helikopteri i shëndetësisë.

Grupi hetimor, nën drejtimin e Prokurorisë dhe në bashkëpunim me Agjencinë e Mbikëqyrjes Policore, po vijon punën për dokumentimin e plotë ligjor të kësaj ngjarjeje shumë të rëndë./CNA

 





Lajmet e fundit nga