web counter
LEXO PA REKLAMA!

SHKARKO APP

App Store
Google Play

E fundit!

x

Policia jep detaje/ Të rinjtë u morën nga dallgët në Shëngjin, dy prej tyre humbën jetën

3 Qershor 2026, 18:18, Kronika CNA

Policia jep detaje/ Të rinjtë u morën nga dallgët në

Policia e Lezhës ka dalë me reagim zyrtar lidhur me ngjarjen e rëndë të ndodhur ditën e sotme në Shëngjin, ku dy të rinj u mbytën në det.

Sipas informacioneve zyrtare, ngjarja ka ndodhur pasditen e sotme, rreth orës 16:30 në zonën e Ranës së Hedhun, ku 5 të rinj ishin futur në det për t’u larë, ndërsa si pasojë e dallgëve të shkaktuara nga era e fortë rrezikuan të mbyten.

Nga reagimi i qytetarëve në bashkëpunim me policisë, ata u nxorrën në breg dhe u transportuan me urgjencë në spitalin e Lezhës për marrjen e ndihmës mjekësore.

Fatkeqësisht dy prej tyre kanë humbur jetën, ndërsa tre të tjerë po marrin ndihmë mjekësore. Grupi hetimor po punon për zbardhjen e plotë të rrethanave të ngjarjes

Njoftimi i plotë: 

Shëngjin, Lezhë/Informacion paraprak

Rreth orës 16:30, shërbimet e Policisë kanë marrë njoftim se në zonën e Ranës së Hedhun, në Shëngjin, disa shtetas që ishin futur në det për t’u larë, si pasojë e dallgëve të shkaktuara nga era e fortë, ndodheshin në vështirësi dhe rrezikonin të mbyteshin.

Menjëherë pas marrjes së njoftimit, në adresën e dhënë kanë shkuar shërbimet e Policisë Kufitare, shërbimet e Drejtorisë Vendore të Policisë Lezhë, si dhe ato të emergjencës.

Falë reagimit të menjëhershëm të qytetarëve me Jet Ski, në bashkëpunim me shërbimet e Policisë, u bë e mundur nxjerrja nga deti e 5 shtetasve nga Kosova, të cilët u transportuan me urgjencë në Spitalin Rajonal Lezhë për marrjen e ndihmës mjekësore.

Sipas informacionit paraprak nga Urgjenca e Spitalit Rajonal Lezhë, 2 prej shtetasve kanë humbur jetën, ndërsa 3 shtetasit e tjerë po marrin ndihmë mjekësore.

Grupi hetimor, nën drejtimin e Prokurorisë, vijon veprimet për zbardhjen e plotë të rrethanave të ngjarjes. /CNA





Lajmet e fundit nga