web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti rilindas dhe gazetari 1 milion dollarësh kthehet në “vendin e krimit”/ Sulmon institucionet

1 Dhjetor 2022, 14:03, Aktualitet CNA

Ish-deputeti rilindas dhe gazetari 1 milion dollarësh kthehet në

Alfred Peza, gazetari dhe ish-deputeti socialist i Rilindur, 1 milion dollarësh, është shfaqur sërish pas rreth tre muajsh në "Prestige Resort" duke bërë moralistin.

Peza ka sulmuar institucionet si IKMT, vetëm për faktin se po bëjnë punën e tyre, vetëm për faktin se po zbatojnë ligjin.

Ai thotë se është hakmarrje. Por duke qenë drejtor i një prej mediave të Irfan Hysenbelliut, a mund të thotë Alfred Peza, se çfarë skandali qeveritar, se çfarë afere kanë denoncuar që sot flet për hakmarrje.

Gazetari një milion dollarësh që del pro ndërtimeve pa leje në bregdet, duket se e ka hallin diku tjetër, pasi përmend kullat në Tiranë e ndoshta i duhet ndonjë hapësirë brenda tyre.

Kur një drejtor i një medieje del dhe flet pa fakte për kullat në mes të Tiranës, nuk na qenka shantazh, por kur Irfan Hysenbelliu ndërton pa leje në bregdet është hakmarrje dhe jo vetëm.

“Është hakmarrje. Gjatë gjithë ditës së sotme, është sqaruar se problematika më e madhe sot është se nuk po zbatohet asnjë procedurë ligjore. Nuk ka asnjë shkresë që të justifikojë rrethimin policor. Kemi parë se gjatë ditëve të fundit në Tiranë ka pasur kulla e kate pa leje. E gjithë çfarë ndodhi atje, ishte spektakël për të vijuar me këtë që po ndodh këtu. Kemi një shkresë të zonjës Bici që thotë se është me leje. Dhe sot thotë: është pa leje. Ta zgjidhim si është me leje apo pa leje. Kur vijnë afganët, apo kryeministri, apo dhe ministrat këtu, ishte me leje. Nëse është pa leje, pse nuk vjen shkresa ligjore dhe juristët që shkojnë në gjykatë të ankimojnë. Ka dy standarde. Nëse në Tiranë spektakli bëhet në nivel tjetër, këtu është tjetër. Fakti që operohet me dy standarde, që nuk ka shkresa, që nuk jepen shpjegime, tregon se kjo hakmarrje vazhdon dhe nuk ka fund”, ka thënë Peza i rilindur./CNA.al





Lajmet e fundit nga