web counter
LEXO PA REKLAMA!

SHKARKO APP

App Store
Google Play

E fundit!

x

Alfred Peza sulmon Prokurinë dhe mediat/Nuk tregon pronaret që punojnë me dy bordero

18 Prill 2017, 14:39, Aktualitet CNA

Pas vendimit të Prokurorisë për sekuestrimin e pasurisë së deputetit Aldred Peza, nisur nga një denoncim i bërë disa ditë më parë në CityNews, Peza sot në një dalje përpara gazetarëve ka sulmuar Prokurorinë e Përgjithshme dhe mediat.

?Është fakt i njohur po ashtu se jo vetëm mediat private e kanë pasur praktikë pagesën në kesh, por edhe zyra e Prokurorit të Përgjithshëm, të paktën deri në vitin 2003, e ka pasur këtë praktikë pagese për punonjësit e tij. Mediat private në Shqipëri shumë vonë kanë filluar ta formalizojnë marrëdhënien e tyre financiare për të punësuarit. Madje ende sot sipas një raporti të Unionit të Gazetarëve shqiptarë të paraqitur në parlament thuhet se 92% të gazetarëve të Shqipërisë sot, punojnë pa kontrata kolektive pune. Që do të thotë paguhen me dy bordero. Një pjesë duke e deklaruar në organin tatimor dhe pjesën tjetër e marrin kesh në dorë dhe këtë e dini të gjithë ju dhe përgjegjësia nuk është tek ju.?

Kështu tha sot deputeti Peza në komunikimin që pati me gazetarët, duke treguar me pak fjalë se gazetarët marrin dy rroga, që do të thotë se edhe vetë deputeti Peza, kohë më parë ka marrë dy rroga, një në të bardhë sipas ligjit dhe rregullave dhe një të zezë.

Pikërisht këtë rrogën e zezë ftojmë deputetin Peza që ta sqarojë për publikun, nëse është rroga e zezë ajo që e bëri miliarder, sepse padyshim në rrogën e deklaruar nuk konsiderohet i tillë.

Përtej sulmeve që deputeti nuk kurseu sot, edhe ndaj zyrës së Prokurorit të Përgjithshëm dhe ndaj ish kolegëve të tij, sqarojmë zotin deputet se asnjëherë CityNews dhe asnjë media tjetër nuk ka thënë se ju jeni hajdut.

Përpara se të sulmoni është e përshtatshme që të sqaroni edhe njëherë rrogën e zezë në kesh që ju vetë sot deklaruat se marrin gazetarët dhe ju si ish gazetar keni shumë për të thënë për rrogën e dytë që ndoshta të dha 1 mln euro.

CityNews, inkurajon deputetin Peza dhe ish kolegun gazetar që të flasë hapur dhe pa dorashka dhe të tregojë publikisht se kush janë ata pronarë mediash që paguajnë gazetarët me dy bordero. Është shumë e thjeshtë për të qenë i vërtetë me publikun që ju ka votuar, sepse në rast se këto para nuk janë para të pista është shumë e lehtë për të gjetur burimin dhe për të zbuluar të gjithë ata pronarë mediash që fshehin pasurinë.

Në rast se deputeti Peza sot bashkëpunon me drejtësinë, duke treguar për pronarët e mediave që u japin sot gazetarëve rrogën e zezë, atëherë edhe burimi i të ardhurave të tij është i kollajgjetshëm dhe ligji do të veprojë. Prandaj zoti Peza edhe njëherë ju bëjmë thirrje që të flisni me emra konkretë publikisht, apo edhe në prokurori, për të shpëtuar veten tuaj, imazhin tuaj dhe pasurinë tuaj./CityNews





Lajmet e fundit nga