LEXO PA REKLAMA!

SHKARKO APP

Sekuestrimi pasurisë, shpërthen Peza/Po hetohem si gazetar, jo si deputet

18 Prill 2017, 13:43, Aktualitet CNA

Pas vendimit të Prokurisë për të sekuestruar pasurinë e deputetit të Parlamentit, Alfred Peza, nisur nga denoncimi që është bërë nga CityNews, deputeti në një dalje përpara gazetarëve, pak minuta më parë ka thënë se prokuroria nuk ka asnjë fakt për atë çfarë ka kërkuar dhe se vlera e pasurisë së tij nuk është provë.

Në fjalën e tij përpara gazetarëve, Peza sulmoi edhe ish kolegët e tij mediatikë, si dhe tha se atij nuk i është vlerësuar ndër vite as puna si gazetar, kryeredaktor, drejtues emisioni, apo analist, me projekte e çmime ndërkombëtare për tetë vite.

“Prokuroria gjen arsyen e kotë që të jetojë pasurinë e vënë nga një person që nuk ka qenë në asnjë funksion publik. Pasuria ime erdhi si gazetar e jo si deputet. Nga ana ime sjellja do të jetë vetëm institucionale dhe shoqërore, unë jam i hapur deri në fund për çdo lloj hetimi sepse nuk ka asgjë për të fshehur. Referuar akuzës konfirmoj se prokuroria deri tani nuk ka paraqitur asnjë provë. U takon atyre të vërtetojnë se për çfarë më akuzojnë. Mjafton fakti që unë Alfred Peza nuk më është konsideruar asnjë lekë, për 8 vite, as si gazetar, as si redaktor, as si kryeredaktor, as si drejtues, as analist, projekte e çmime ndërkombëtare. Dua që të tërheq vëmendjen se hetimi që po bëhet ndaj meje dhe familjarëve të mi rrezikon diçka shumë të madhe, precedimin e çdo qytetari që vë pasuri”, tha Alfred Peza./CityNews

Lajmet e fundit nga