web counter
LEXO PA REKLAMA!

SHKARKO APP

App Store
Google Play

Irfani e pushoi nga puna, e la rrugëve/ Blushi "qan" për resortin ku zhgërryheshin socialistët

2 Dhjetor 2022, 18:03, Politikë CNA
Irfani e pushoi nga puna, e la rrugëve/ Blushi "qan" për
Tedi Blushi

Ish-gazetari Tedi Blushi, sot një nga sekretarët dhe vasalët e Ilir Metës ka reaguar për prishjen e ndërtimeve pa leje të Irfan Hysenbelliut në bregdet.

Duke bërë avokatinë e Hysenbelliut, Blushi doli i shqetësuar në deklaratë për shtyp, duke "qarë" prishjen e ndërtimeve në "Prestige Resort".

“Shembja e paligjshme e “Prestige Resort” është një akt terrorist i një regjimi hajdut dhe skizofrenik, një sulm hakmarrës, primitiv dhe i drejtpërdrejtë ndaj lirisë dhe pavarësisë së mediave.

Zbatimi i verbër dhe me një gjakftohtësi mekanike i urdhrave politikë të një skizofreni që nuk njeh Kushtetutë, ligj dhe çdo të drejtë themelore është treguesi më i qartë i modelit fashist të kësaj qeverie, që 5 vjet më parë konfirmonte zyrtarisht se "Prestige Resort" ishte me leje ndërsa këto ditë pa paralajmërim, në shkelje të çdo ligji dhe procedure dhunon një biznes të ligjshëm dhe model, vetëm për shkak të linjës editoriale të mediave më serioze në vend News 24, BalkanWeb dhe Panorama”, u shpreh ai.

Duhet të kujtojmë se Tedi Blushi ka qenë një nga drejtuesit e mediave te Irfanit, por në vitin 2015 e hodhi në rrugë duke e pushuar nga puna.

Në atë kohë, Blushi publikoi me dhjetëra shkrime me dhe pa emër kundër Fanes, që sipas Tedit ishte një kapter interesaxhi dhe i korruptuar me pushtetin.

Koha kalon, por Tedi ndryshon. Gazetari që u hodh në rrugë nga Fania, tashmë i digjet barku për resortin pa leje ku zhgërryheshin socialistët e Ramës./ B.A. – CNA.al





Lajmet e fundit nga