web counter
LEXO PA REKLAMA!

SHKARKO APP

App Store
Google Play

E fundit!

x

Një pronar call-centeri, pjesë e mashtrimit me kriptomonedha/ Berisha: Patronohej nga Olsi Rama

1 Dhjetor 2022, 19:45, Politikë CNA
Një pronar call-centeri, pjesë e mashtrimit me kriptomonedha/ Berisha:
Kreu i Partisë Demokratike, Sali Berisha

Ditën e djeshme mediat spanjolle kanë raportuar për një operacionin ndërkombëtar të mashtrimit të 200 mijë europianëve me kriptomonedhat ku përfshihej edhe Shqipëria.

Sipas mediave spanjolle, një urdhër-arresti është lëshuar për Amant J., pronar i një call-centeri.

Për këtë çështje ka folur sot edhe kreu i Partisë Demokratike, Sali Berisha, në takimin me demokratët e njësisë dhe 1 dhe 3 në Tiranë.

Berisha ka deklaruar se ky person është marrë në mbrojtje nga Olsi Rama, vëllai i kryeministrit Edi Rama.

“Ne duhet të dalim në 6 dhjetor, pasi jemi shndërruar në njerëz të varkave, pasi jemi njerëz të vjedhur, prandaj jemi të varfër dhe prandaj po iki. Kjo është e vërteta, sepse tokë më të pasur se kjo tokë nuk ka. Sepse kur kryeministri merr plaçkë portin mijëravjeçarë, këtë nuk e ka bërë asnjë kolonizator, por ky do të ndërtojë Dubain e tij.

Kam 2 javë që denoncoj një vjedhje të jashtëzakonshme që u bëjnë europianëve. Në një aspekt protesta jonë ndaj këtij regjimi është për të gjithë shqiptarët e ndershëm.

Çfarë bëjnë këta. Me call centerat e këshilltarit të Olta Xhaçkës, të ministres strategjike ftojnë qytetarët Europianë që blini bitcoin, vendoseni në këtë aplikacion dhe ne do të ua konsiderojmë 25% më shumë. Ka njerëz që besojnë dhe blejnë bitcoin, e vendosin në aplikacion dhe besojnë se e kanë aty, por nuk e kanë kurrë më.

Të gjithë këto call centera të patronuar nga Olsi Rama. Punonjësve u thonin mos u shqetësoni se qeveria nuk ju ngacmon. Dhe më pas bitcoin përfundonte në kuletën dixhitale të mafias që organizon këtë. E pastaj ku? Kthehej në para kesh me paratë e pista që sillnin nga kartelet e Ekuadorit, Meksikës dhe të gjitha bandat e kokainës dhe pjesa tjetër që nuk kthehej, përfundonte në Emiratet e Bashkuara Arabe.

E shihni se në çfarë cikli, këta pasuroheshin me të gjitha mënyrat. Me ato para duan të shesin apartamentet e Dubait këtyre, për qytetarët votonin amendament për amendament sikur nuk kishte fëmijë, të sëmurë, prindër, të gjithë votonin kundër.

Edhe ne të votojmë në datën 6 në prani të të gjithë Europës kundër kësaj qeverie që plaçkit e vjedh popullin e vet”, ka deklaruar Berisha./ CNA.al





Lajmet e fundit nga