web counter
LEXO PA REKLAMA!

SHKARKO APP

App Store
Google Play

E fundit!

x

Alibeaj kundërshton protestën e PD-së/ Justifikon misionin e tij përçarës

1 Dhjetor 2022, 19:16, Politikë CNA
Alibeaj kundërshton protestën e PD-së/ Justifikon misionin e tij
Enkelejd Alibeaj

Ashtu sikurse në çdo protestë të zhvilluar nga Partia Demokratike, edhe në protestën e 6 dhjetorit Enkelejd Alibeaj ka refuzuar të bashkohet.

Në një lidhje telefonike në "Euronews Albania", Alibeaj ka justifikuar misionin e tij përçarës. Ai tha se protesta e 6 dhjetorit është një protestë ndaj BE-së dhe sipas tij nuk është mënyra e duhur për t’u shprehur shqetësimet europianëve.

“Unë e kam bërë të qartë qëndrimin tim. Ajo se çfarë kam bërë të qartë, lidhur me protestat ndaj Europës, nuk besoj se është mjeti i i duhur. Ne, shqiptarët kanë nevojë për Europën. Europa do duhet konsideruar si dashamirësi dhe një mjet shtesë që monitoron demokracinë e plagosur rëndë në Shqipëri. Shtetin e së drejtës, shtetin ligjor, të drejtat e individëve”, deklaroi ai.

Më tej, Alibeaj është shprehur se ai dhe grupi i tij me 5 kokrra deputetësh që kanë mbetur kanë zgjedhur që të gjithë ato shqetësime, që mund t’i thotë kushdo në Shqipëri, t’i çojnë në veshin e europianëve.

‘Instrumenti, të cilin do duhet të ndjekim, do duhet të jetë i tillë që të jetë funksional dhe të jetë funksional, unë mendoj, së bashku me kolegët e mi, kemi zgjedhur që të gjithë ato shqetësime, që mund t’i thotë kushdo në Shqipëri, t’i çojë në veshin e evropianëve. Dhe jo vetëm kaq, se kjo është e pamjaftueshme, por të marrë premtimin, angazhimin, mobilizimin e Evropës, që t’i bëhet krah shqiptarëve. Ne kemi zgjedhur këtë rrugë dhe unë besoj se kjo është rruga më funksionale”, ka thënë Alibeaj./ CNA.al





Lajmet e fundit nga