web counter
LEXO PA REKLAMA!

SHKARKO APP

App Store
Google Play

Zgjedhjet e 14 majit/ Mediu: Dy kandidatët nga Opozita i shërbejnë Ramës

2 Dhjetor 2022, 09:56, Politikë CNA

Zgjedhjet e 14 majit/ Mediu: Dy kandidatët nga Opozita i

Në një takim me strukturat e partisë, Fatmir Mediu, kreu i PR-së, ka deklaruar se opozita duhet patjetër të ndërtojë polin moral për atë që është më e mira, vlera më e mirë e shoqërisë shqiptare.

Mediu ka nënvizuar hapat që duhet të ndjekë opozita që të jetë afër qytetarëve.

“Ne duhet patjetër t`i tregojmë cdo qytetari dhe të punojmë bashkë me ta, se shteti është i qytetarëve. Ai duhet të jetë kushtetues dhe shumë më i rëndësishëm sesa pushteti politik që mund të kërkojnë disa në opozitë.

Opozita po ashtu duhet të bashkojë të gjithë historinë e saj, të jetë krenare për atë që ka bërë, por mbi të gjitha të dijë të vlerësojë edhe kontributet e vjetra, duhet të kapitalizojë sic thashë më parë, arritjet që kemi në NATO, liberalizimin e vizave, pavarësinë e Kosovës, zhvillimin ekonomik dhe infrastrukturor dhe energjitik të këtij vendi.

Të vlerësojë veprimet që kemi bërë të drejta dhe të përpiqet të shmangë gabimet që kemi bërë.

Të gjithë ne së bashku, brenda duhet të mbajmë barrën si opozitarë, të bashkojmë shqiptarët duke i ofruar zgjidhjet, idetë dhe vizionin dhe duke bërë pjesë të veprimit tonë politik, të rinj dhe të reja në mbarë Shqipërinë, por dhe një network të fuqishëm në Kanada, në Britani, në Europë dhe SHBA”, ka thënë Mediu.

Më tej ai ka rikonfirmuar se PR do të mbështesë një kandidat të vetëm, pra ata nuk do të kenë kandidatë si parti.

“Ne do të mbështesim si Parti Republikane një kandidat të vetëm. Pavarësisht nga kompozioni në opozitë, ne nuk do të nxjerrim kandidatë për t'i bërë sfidë kandidatit kryesor.

Çdo kandidat që do të dilte në krahun e djathtë, përveç një kandidati, do të ishte kontribut për pushtetin e Edi Ramës dhe këtë situatë katastrofë në Shqipëri. Prandaj do të ketë një kandidat të vetëm”, është shprehur Mediu./CNA.al





Lajmet e fundit nga