web counter
LEXO PA REKLAMA!

SHKARKO APP

App Store
Google Play

E fundit!

x

Dy ditë nga zgjedhjet në Primare/ Berisha, mesazh demokratëve dhe simpatizantëve

2 Dhjetor 2022, 16:46, Politikë CNA
Dy ditë nga zgjedhjet në Primare/ Berisha, mesazh demokratëve dhe
Kreu i PD-së, Sali Berisha

Kur kanë mbetur vetëm dy ditë nga mbajta e zgjedhjeve për primaret e Partisë Demokratike, kryetari Sali Berisha i është drejtuar me një mesazh demokratëve dhe simpatizantëve.

Me anë të një video në rrjetet sociale, Berisha i cilëson këto primare si evenimentin më të madh pas themelimit të Partisë Demokratike deri sot.

Ai i bën thirrje demokratëve dhe simpatizantëve që procesi të jetë dinjitoz dhe kërkon nga ta që të firmosin me votë për kandidatin më të mirë.

“Mirëdita dhe përshëndetje demokrate dhe demokratë, simpantizante dhe simpatizantë të Partisë Demokratike.

Dy ditë na ndajnë nga evenimenti më i madh pas themelimit të Partisë Demokratike deri sot, votimi për kandidatët, për qytetarët e parë të bashkive të vendit të cilët garuan gjatë kësaj periudhe dhe presin me pa durim votën tuaj, besimin tuaj, pjesëmarrjen tuaj, në procesin zgjedhor të datës 4 dhjetor dhe që zhvillohet në mbarë vendin.

Duke ju falënderuar me shumë mirënjohje, anëtareve dhe anëtarëve, simpatizantëve dhe simpatizantëve, të gjithë kandidatëve që morën pjesë në garë, drejtuesve të partisë, grupseksioneve dhe seksioneve, u bëj thirrjen më miqësore, të bëni gjithçka për një proces dinjitoz që ju jep ju, Partisë Demokratike dhe shoqërisë shqiptare shumë nder, që zgjeron dhe konsolidon liritë tuaja, për votimin në primare më datën 4 dhjetor.

Pjesëmarrja juaj është një kontribut i veçantë. Unë e di që keni bërë shumë punë, por tani jeni të ftuar të flisni, të firmosni me votën tuaj për kandidatin më të mirë që ju besoni, që ju mendoni.

Kam besim të madh se do ta shndërrojmë këtë ditë të një rëndësie historike jo vetëm për PD-në, por për Shqipërinë”, theksoi kreu i PD-së./ B.A. – CNA.al





Lajmet e fundit nga