E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

“Ilir Meta ka qenë kundër protestës së 6 dhjetorit”/ Lorenc Vangjeli zbardh lëvizjet e kreut të PL-së

2 Dhjetor 2022, 13:56, Politikë CNA

“Ilir Meta ka qenë kundër protestës së 6

Analisti Lorenc Vangjeli ka thënë se Ilir Meta, kreu i PL-së, ka qenë kundër protestës së 6 dhjetorit.

Sipas tij, ka qenë deri në fund në kundërshtim të protestës, por në fund llogaria i ka diktuar se s’mund të shkëputej nga Berisha.

Duke folur në "MCN Live", Vangjeli ka thënë se shumë ujëra do të rrjedhin deri në 6 dhjetor.

“Ilir Meta është pikëpyetja e madhe në këtë histori, sepse besova deri në fund te pragmatizmi i tij. Z.Meta ka qenë deri në fund në kundërshtimin e kësaj proteste, sepse nuk na jep gjë, nuk sjell asnjë dobi. Këtë i dikton Metës logjika. Llogaria është, ai s’mund të shkëputej nga Berisha. Martesa e tyre do ketë përplasje, vijnë nga një e shkuar me përqafime dhe helmime reciproke.

Mendoj që deri në 6 dhjetor do rrjedhin të tjera ujëra në Tiranë. Në mos protesta do të jetë një detashment me fytyra të buzëqeshura me flamujt e Europës dhe SHBA, dhe besoj që ky ka qenë kushti i Metës, ose një kompromis, që do të thotë blofi i doktor Berishës, ku veshi i tij ka dëgjuar hapa në shkallët e PD dhe trokitje në derë.

Z. Berisha është i refuzuar nga anglo-amerikanët, i refuzuar me gjysmë zëri nga europianët dhe ai do të tregojë që është këtu. Nëse zullimi trashet, shuplaka është gjithmonë një opsion. Por jo përjashtimi. Është tragjike dhe komike në të njëjtën kohë, që edhe në Shqipëri mund të ketë një forcë politike që të ketë kundër gjithë faktorin ndërkombëtar dhe të ketë gjasa të votohet nga Shqipëria. Unë them jo, shqiptarët do ta refuzojnë këtë gjë, dhe këtë e di më së miri doktor Berisha.

Besoj se negociatori ka qenë Meta. Në ato shkallë është ngjitur Ilir Meta, ka rrëfyer se çfarë ka dëgjuar gjetkë. Por nuk ka një unitet monolit të menduari. Mbase Meta ka dëgjuar që ditën që do ndodhë Samiti edhe mund të protestohet", është shprehur Vangjeli./CNA.al