web counter
LEXO PA REKLAMA!

SHKARKO APP

App Store
Google Play

Përplasjet PS-PD "zbresin" në Bruksel/ Çështjet më të "nxehta" në Komitetin Parlamentar të asocim-stabilizimit

2 Dhjetor 2022, 17:25, Politikë CNA
Përplasjet PS-PD "zbresin" në Bruksel/ Çështjet
Taulant Balla

Takimi i 15-të  në nivelin e komitetit parlamentar të asocim-stabilizimit, nuk ka sjellë një harmoni ndërmjet deputetëve të opozitës dhe të mazhorancës.

Lufta kundër korrpsionit, krimi i organizuar dhe çështjet e medias, kanë qënë disa nga temat që kanë sjellë “përplasje” ndërmjet palëve, shpjegon deputetja Jorida Tabaku.

 “Në kisha pesë qëllime kryesore. E para, doja që të përfshihej çështja e zgjedhjeve dhe ka një paragraf shumë të fortë i marrë nga OSBE/ODHIR për këtë në rezolutë: shitblerja e votës, ndikimi që ka shteti dhe shkrija e shtetit me partinë, rrjedhja e të dhënave të patronazhistëve, çështje që lidhen me ndikimin kriminal në zgjedhje dhe sekretin e votës, korrupsionin dhe krimin e organizuar. Doja të evidentoja me rënien e vendit në indeksin e Transparence International dhe rritja e krimit të organizuar, që tashmë është një model që po eksportohet jashtë Shqipërisë dhe prek shtetet e BE-së dhe sulmet politike ndaj organeve të drejtësisë”, tha Jorida Tabaku.

Sakaq një nga pikat më të nxehta të takimit ka qënë roli i deputetëve të Shqipërisë në dialogun Kosovë-Serbi si dhe procesi i liberalizimit të vizave, ku kreu i grupit parlamentar të Partisë Socialiste, Taulant Balla ngriti një pyetje lidhur me këtë çështje.

 “Çfarë ndodh nëse sistemi ETIAS nuk hyn në fuqi në 1 tetor 2023? Qytetarët e Kosovës do të presin sërish”, tha Taulant Balla.

Martin Kosatka, presidenca çeke:

“Nëse sistemi nuk hyn në fuqi deri në fund të vitit të ardhshëm, atëherë do të vijohet me zbatimin e liberalizimit të vizave për qytetarët e Kosovës pa hyrjen në fuqi të ETIAS. Ky ishte rezultati i arritur nga negociatat në gjirin BE-së”.

Takimi 15 i komitetit parlamentar të stabilizim asociimit BE-Shqipëri u mbyll me një rezolutë më 17 pika të aprovuara nga deputetët shqiptarë dhe Parlamenti Europian, që do të shërbejë si rezolutë raportuese për Shqipërinë në PE vitin e ardhshëm./CNA.al





Lajmet e fundit nga