LEXO PA REKLAMA!

SHKARKO APP

Ramkaj bën thirrjen e fortë/ Të adresohet ligji për fetë sipas legjislacionit europian

10 Dhjetor 2022, 22:40, Aktualitet CNA
Ramkaj bën thirrjen e fortë/ Të adresohet ligji për
Drejtuesi i Qendrës së Bashkëpunimit Ndërfetar në Elbasan, Arben Ramkaj

Drejtuesi i Qendrës së Bashkëpunimit Ndërfetar në Elbasan, Arben Ramkaj ka dhënë një mesazh të fortë në Ditën Ndërkombëtare të të Drejtave të Njeriut.

Teologu Ramkaj për të përkujtuar këtë ditë ka shpërndarë një foto nga fjalimi i mbajtur në Gjenevë, në vitin 2019 për Gjenocidin dhe dhunën e pashembullt që u ushtrua kundrejt fesë dhe klerikëve në Shqipëri.

Ramkaj gjatë konferencës shprehej se shoqëria shqiptare nuk do të shërohet e nuk do të gjejë paqe në qoftë se nuk adreson ligjin për fetë në përputhje me legjislacionin europian dhe statusin special të klerikut dhe kompesimin e komuniteteve fetare.

“Dita e sotme shënon Ditën Ndërkombëtare të të Drejtave të Njeriut. Ajo shënohet si përkujtim i përvitshëm i Deklaratës Universale për të Drejtat e Njeriut, e cila u miratua në 10 dhjetor të vitit 1948 nga Asambleja e Përgjithshme e Kombeve të Bashkuara.

Meqë njohja e dinjitetit të lindur të të drejtave të barabarta dhe të patjetërsueshme të të gjithë anëtarëve të familjes njerëzore është themel i lirisë, drejtësisë dhe paqes në botë; meqë mosrespektimi dhe përbuzja e të drejtave të njeriut çonte drejt veprimeve barbare, që fyenin ndërgjegjen njerëzore, dhe meqë krijimi i nj? bote në të cilën njerëzit do të gëzojnë lirinë e fjalës, lirinë e besimit dhe lirinë nga frika dhe skamja është shpallur si aspirata më e lartë e çdo njeriu; meqë është qenësore që të drejtat e njeriut të mbrohen nga sistemi juridik ku do t? sundoj? ligji, që njeriu të mos shtrëngohet të rebelohet dhe të ngritet kundër tiranisë dhe shtypjes.

Fotoja e mëposhtme është nga fjalimi i mbajtur në Gjeneve në 2019 në prezencë të përfaqësuesve të Kombeve të Bashkuara dhe të Bashkimit Europian për Gjenocidin dhe dhunën e pashembullt që u ushtrua kundrejt fese dhe klerikëve në Shqipëri. Fjalimi paraqiti një panoramë dhe analizë për krimet e një regjimi barbar ndaj klerikeve dhe lirisë së ushtrimit të besimit gjatë sistemit komunist. U mundova ti shpjegoj perfaqësueseve diplomatike të pranishëm nga 40 vende të ndryshme të botës se si sistemi dhe regjimi u soll në mënyre brutale me akuza të stisura kundrejt klerikëve dhe lirisë së besimit, diçka e pashembullt në botë. Gjithashtu u shpjegova që shoqëria shqiptare nuk do të shërohet e nuk do të gjej paqe nëqoftëse nuk adreson ligjin për fetë në përputhje me legjislacionin Europian dhe statusin special të klerikut, kompesimin e komuniteteve fetare që historia e terrorit shtetëror mos të përsëritet me kurrë…”, u shpreh ai./ CNA.al

Lajmet e fundit nga