Shtohet lista e vasalëve të Hysenbelliut/ Sali Shehu tenton ta mbrojë, por e zhyt më thellë

1 Dhjetor 2022, 15:01, Aktualitet CNA

Shtohet lista e vasalëve të Hysenbelliut/ Sali Shehu tenton ta

Lista e vasalëve të Irfan Hysenbelliut është shtuar me kryetarin e Frymës së Re Demokratike, Sali Shehu.

Për këtë të fundit, nuk është i rëndësishëm fakti që ka ndërtim pa leje, por i rëndësishëm është fakti se "Prestige Resort" është një vend atraktiv për të pushuar.

Bregdeti i Shqipërisë në tërësi konsideohet atraktiv, por ndërtimet pa leje nuk ia shtojnë bukurinë.

Sali Shehu duke tentuar të mbrojë deri në fund Hysenbelliun e zhyt më tej atë, duke u përqendruar vetëm te zona bregdetare ku është ndërtuar resorti, sa e bukur është ajo pjesë.

Por, edhe për Shehun një pronar mediash mund të ndërtojë pa leje.

Ky është koncepti i kreut të FRD-së, për median e lirë.

“Situata është dramatike dhe rëndom këndon shumë keq, në kuptimin se qeveria haptazi kundër ligjit ndërmerr veprime duke përdorur forcën arbitrare, ndaj një medie të lirë në Shqipëri si 'News24'.

Resorti është një nga pikat më interesante turistike që i ka dhënë turizmit, jo vetëm për emrin, por edhe për pushimin e shqiptarëve të huaj gjatë 10 viteve të fundit. I ka dhënë Shqipërisë mundësi më shumë si një vend që ka atraksion të pranueshëm për të pushuar në vend.

Shohim që ky atraksion është target i sulmeve të qeverisë të përdorura kundër ligjit, mendoj se nuk është një betejë mes një biznesi, por mes drejtësisë në Shqipëri. Në vend duhet të funksionojë një sistem drejtësie që i t’i japë kuptim forcës së ligjit dhe jo forcës së qeverisë. Parlamenti ka votuar një sistem drejtësie ku të gjejnë frymëmarrje bizneset. Qeveria është një grabitqar që po mundohet të vendosë veto përmes mjeteve grabitqare duke deportuar në zemër, jo vetëm të një biznesi. Kompania e cila ka në administrim një sistem të rëndësishëm mediatik, nuk është në unison me propagandën që ka qeveria”, tha ai./CNA.al