LEXO PA REKLAMA!

SHKARKO APP

Rama reagon për Hysenbelliun/ "Fundi i një historie mizerabël babëzie ndërtimesh"

4 Dhjetor 2022, 17:11, Aktualitet CNA
Rama reagon për Hysenbelliun/ "Fundi i një historie
Edi Rama, irfan Hysenbelliu

Kryeministri Edi Rama ka reaguar lidhur me shembjen e ndërtimimit pa leje të “Prestige Resort”.

Përmes një statusi në Twitter, Rama shprehet se kjo nuk është një luftë ndaj medias, por fundi i një historie mizerabël i ndërtimeve pa leje.

Më tej ai theksoi se deri tani janë 15 vendime konfiksimi dhe se kontrollet vazhdojnë.

"Një leje zhvillimi është njësoj me një leje ndërtimi sa ç’është një çertifikatë lindjeje baraz me një leje drejtimi!Të bësh viktimën e lirisë së medias pse t’u prish një pallat pa leje është njësoj si të bësh viktimën e dhunës policore pse s’të lënë ta ngasësh makinën pa patentë!

Ky operacion i përfolur, përqeshur e anatemuar nga gjithë kundërshtarët tanë s’ka asnjë lidhje me median. Ka të bëjë vetëm me fundin e një historie mizerabël babëzie ndërtimesh në shkelje të ligjit për qëllime fitimi!Zor se ndonjë ndërtues do i bëjë dot karshillëk ligjit paskëtaj! Janë deri tani 15 vendime konfiskimi. Kjo e sotmja s’është e vetmja prishje, e në ndërkohë kontrollet po vazhdojnë. Do të futet një normë e re ligjore për kontrollin e detyruar sistematik (maksimumi çdo 60 ditë) të zbatimit të lejeve të ndërtimit. Të tjerat janë llogje pa lidhje!"- shkruan Rama. 

Lajmet e fundit nga