LEXO PA REKLAMA!

SHKARKO APP

"Hesapet e tjetrit bëhen kollaj"/ Rama përsërit vetveten: Në Itali paguajnë 67% taksa

4 Dhjetor 2022, 11:27, Aktualitet CNA

"Hesapet e tjetrit bëhen kollaj"/ Rama përsërit

Kryeministri Edi Rama, gjatë një interviste "live" u është përgjigjur pyetjeve me spec të ndjekësve të tij.

Teksa pyetet nëse do të ketë para nga ky samit apo vetëm foto, Rama gjen rastin të përsërisë deklaratat e tij ku thotë se jemi në një fazë ku vendi ndikohet nga lufta në Ukrainë dhe inflacioni i luftës.

Gjithashtu ripërsërit edhe deklaratën ku thotë se në shtetin fqinj, Italinë, duke thënë se paguajnë 67% taksa pa TVSH brenda, referuar një bisede me miqtë italianë.

“Pyetje tipike në një kohë sigurisht është e mirëkuptueshme, por kjo pyetje më jep mudësinë për t'u zgjeruar pak, për të rikujtuar se jemi në një fazë të jetës së vendit ku nuk jemi vetëm ne, por të gjithë vendet janë të prekura nga lufta, në përpjekjet për të pushtuar Ukrainën dhe nga inflacioni i luftës e ndërkohë dua të sjell në vëmendje një lajm gjithnjë e më insistues nga përmbajtja realisht shumë domethënëse për kohën që jetojmë të largimit masiv të njerëzve nga Italia dhe jo vetëm. Gjithmonë bari i komshiut është më i gjelbër thonë dhe hesapet e tjetrit bëhen më kollaj por për të gjithë ata që thonë që atje pagat e jeta e të tjerë është koha për ta riparë këtë pozicion sepse është e kundërta e vërtetë. Para se të vija në konferencë isha me ca miq italianë dhe më treguan se paguajnë 67% taksa pa TVSH brenda”, tha kryeministri Edi Rama./ CNA.al

Lajmet e fundit nga