LEXO PA REKLAMA!

SHKARKO APP

BBC: Kalimet me gomone, zhduken dhjetëra fëmijë shqiptarë

3 Dhjetor 2022, 13:31, Aktualitet CNA

BBC: Kalimet me gomone, zhduken dhjetëra fëmijë shqiptarë

Pothuajse 20% e fëmijëve emigrantë shqiptarë të pashoqëruar janë zhdukur, këtë vit, raporton "BBC".

Sipas autoriteteve vendore nga 197 fëmijë shqiptarë të nisur drejt Anglisë,  deri më 31 tetor, 39 prej tyre janë zhdukur.

Ecpat UK, e cila bën fushatë për të mbrojtur fëmijët nga shfrytëzimi, tha se shifrat ishin shumë shqetësuese.

Këshilli tha se ka punuar ngushtë me Zyrën e Brendshme dhe policinë për të mbrojtur fëmijët e cenueshëm.

Këshilli tha për "BBC", se 197 fëmijë shqiptarë janë paraqitur në njësinë e pranimit në Kent të Ministrisë së Brendshme, nga 1 janari deri më 31 tetor.

Sipas Ecpat UK, 39 fëmijë rezultojnë të zhdukur.

Më shumë se 12,000 emigrantë nga Shqipëria kanë arritur në Mbretërinë e Bashkuar me anije deri më tani këtë vit, një rritje kjo prej gati 4,000% krahasuar me vitin 2021.

Çështja është nënvizuar nga ministri i Emigracionit Robert Jenrick i cili tha se në disa varka të vogla, 80% e atyre që ishin në bord ishin nga Shqipëria.

Ecpat UK tha se fëmijët e zhdukur mund të shfrytëzohen, të detyrohen të bëjnë punë ndërtimi ose të përfshihen në krime, si për shembull të detyrohen të punojnë në fabrikat e kanabisit.

Në një deklaratë, Këshilli i Qarkut Kent tha se kishte konstatuar "rritje të konsiderueshme" në numrin e fëmijëve shqiptarë të pashoqëruar.

"Këshilli i Qarkut Kent ka përdorur të dy protokollet mbrojtëse të vendosura, duke përfshirë Mekanizmin Kombëtar të Referimit dhe ka iniciuar strategji të shumë agjencive për të minimizuar sa më shumë që të jetë e mundur rreziqet për këta fëmijë.

"Këshilli vazhdon të marrë një rol proaktiv në mbrojtjen e të gjithë fëmijëve azilkërkues të pashoqëruar në kujdesin e tij", shkruan "BBC"./CNA.al

Lajmet e fundit nga