LEXO PA REKLAMA!

SHKARKO APP

Hapet rruga e re drejt aeroportit të Rinasit/ Balluku: ‘Shfryn’ trafikun dhe problematikën në sezonin veror

2 Dhjetor 2022, 18:47, Aktualitet CNA
Hapet rruga e re drejt aeroportit të Rinasit/ Balluku: ‘Shfryn’
Rruga e re drejt aeroportit të Rinasit

Ditën e sotme është hapur për qarkullimin e automjeteve rruga e re drejt aeroportit të Rinasit.

Zëvendëskryeministrja, njëherësh Ministrja e Infrastrukturës dhe Energjisë, Belinda Balluku, ka qenë e pranishme në rrugën e re.

Balluku deklaroi se kjo rrugë do të “shfryjë” trafikun dhe problematikën e krijuar gjatë sezonit të verës.

“Ndodhemi në rrugën e re e cila krijon një unazë qarkulluese në aeroportin e Rinasit, duke shfryrë kështu trafikun dhe gjithë problematikën që kemi pasur kryesisht gjatë sezonit veror për hyrjet dhe daljet nga parkingjet. Nuk kemi gjithë fluksin e trafikut që vinte si nga veriu e si nga Tirana dhe që rrotullohej rreth bustit të Nënë Terezës që nuk kishte kapacitete për ta mbajtur. Në mes të rrugës nga qafa e Kasharit në drejtim të Rinasit kemi një dalje djathtas që dërgon një pjesë të trafikut, pra atë pjesë të trafikut që është e dedikuar vetëm për aeroportin e Rinasit”, theksoi zv.kryeministrja./ B.A. – CNA.al

Lajmet e fundit nga