Alabbar, me synime të qarta/ Në Shqipëri do të ndërtojmë “Monakon e dytë në botë”

2 Dhjetor 2022, 13:12, Aktualitet CNA

Alabbar, me synime të qarta/ Në Shqipëri do të

Mohamed Alabbar, pronari i kompanive “Eagle Hills”, ka premtuar se do ta kthejë Shqipërinë në Monakon e dytë të Shqipërisë.

Në një intervistë për “Arabian Business”, Alabbar ka zbuluar planet e tij ambicioze për projektin 2.5 miliardë dollarësh për Portin e Durrësit.

Ai është shprehur se është duke bërë diçka që nuk është bërë kurrë më parë, duke transformuar një pjesë të bregdetit shqiptar në marinën me të madhe të jahteve në Mesdhe.

Alabbar ka thënë se premtimi i tij për projektin e Portit të Durrësit është t’i japë botës një tjetër Monako.

Alabbar, me synime të qarta/ Në Shqipëri do të

“Bota ka nevojë për më shumë se një Monako, dhe ky do të jetë Porti i Durrësit. Unë e dua Monakon, por është kaq i vogël dhe kërkesat janë të larta. Kështu që këtu është premtimi im: Unë do t'i jap botës një tjetër Monako", ka thënë ai.

Më tej pronari i “Eagle Hills” ka dhënë detaje rreth zhvillimit të projektit dhe çfarë do të përmbajë ai duke u shfaqur besimplotë se projekti do të jetë i suksesshëm. “Shenjat e para tregojnë se ai do të jetë një projekt i suksesshëm. Projekti po hartohet duke përfshirë praktika bashkëpunuese me mjedisin, hapësira të gjelbra dhe teknologji inteligjente për të reduktuar ndotjen e ajrit dhe emetimet e CO2. Në port do të vendosen jahte dhe superjahte deri në 120 m, së bashku me hotele, rezidencat private, shëtitore, dyqane, restorante dhe argëtim. Në të do të përfshihet gjithashtu terminali i parë në Shqipëri për linjat ndërkombëtare të lundrimit. Më shumë se 80,000 metra katrorë parqe dhe hapësira të hapura, dhe 170 dyqane tregtare, po planifikohen gjithashtu”, është shprehur Alabbar.

Mohamed Alabbar ka shtuar ndër të tjera se Shqipëria është një nga sekretet më të bukura të Europës që ka zbuluar kohët e fundit duke e cilësuar si një nga vendet më tërheqëse të rajonit.

“Shqipëria është sekreti i fundit i Europës. Njohuritë e mia të mëparshme më kanë shërbyer mjaft mirë për të bërë diçka që nuk është bërë kurrë më parë. Ajo që po bëjmë është përzierja e artit tonë me ushqimin dhe muzikën. Njerëzit duan, kërkojnë, një jetë të bukur, ndaj këtë po planifikojmë të ofrojmë në Durrës. Kur e krahason Shqipërinë me pjesën tjetër të rajonit, është vlera më tërheqëse në krahasim me të gjitha vendet përreth”, ka thënë më tej ai./CNA.al