E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“A është ai politikani që përmendet në përgjime”/ Balla flet për herë të parë, çfarë paralajmëron kreu i grupit parlamentar të PS-së

1 Dhjetor 2022, 22:45, Aktualitet CNA

Erla Mëhilli dhe Taulant Balla

Kreu i grupit parlamentar të PS, Taulant Balla, ka folur për herë të parë për akuzat e bëra nga Ardian Çapja se një politikan i nivelit të lartë me emrin “Taulant” ka qenë nën përgjim nga prokuroria.

Në një intervistë ekskluzive në emisionin “Now” me Erla Mëhillin, Balla është shprehur se nuk ka asnjë të vërtetë në këtë histori dhe se sapo të kthehet nga Brukseli do të merret me shpifësit duke pralajmëruar edhe kallëzim penal ndaj tyre.

Pjesë nga intervista me Erla Mëhillin:

Erla Mëhilli: Opinioni publik këtu në Shqipëri prej disa ditësh tashmë zien për një çështje, për të cilën ju nuk keni folur. Opozita gjithashtu ju ka akuzuar, mediat kanë shkruar. Më lejoni t’ju pyes.

Taulant Balla: Sapo të jem në Tiranë, jam i gatshëm të merrem me babalen e radhës.

Erla Mëhilli: Pse Babalen e radhës? Janë akuzat e opozitës apo ka diçka të vërtetë?

Taulant Balla: Asnjë gjë të vërtetë nuk ka.

Erla Mëhilli: Nuk ka asnjë të vërtetë?

Taulant Balla: Asnjë gjë.

Erla Mëhilli: Nuk jeni ju politikani me emin Taulant që përmendet në pergjime, për të cilin zien opinioni publik?

Taulant Balla: Nuk e di me çfarë e masni zierjen e opinionit publik megjithatë, sapo të jem në Tiranë dhe të jem në parlament, që t’i kem shpifësit përballë, e pastaj drejtësia do merret me këtë çështje. Sepse kallëzimet penale janë duke u bërë gati dhe sapo të kthehem do i firmos.

Erla Mëhilli: Pra do kallëzoni penalisht opozitën për akuzat që ju kanë bërë?

Taulant Balla: Patjetër.

Erla Mëhilli: Por nuk është vetëm opozita që ju akuzon, ka edhe individë të tjerë në sallë gjyqi që e kanë përmendur (I referohet Ardjan Capjas).

Taulant Balla: Të lutem, mos e harxhoni minutazhin e nderuar të intervistës të çështjeve që lidhen me Europën për babalet.

Erla Mëhilli: Kjo është një çështje e rëndësishme që ju bën mirë edhe ju ta sqaroni, për të dhënë versionin tuaj të ngjarjes.

Taulant Balla: Po, po. Njëherë në 4 vjet, unë kam nga një sulm të tillë.