LEXO PA REKLAMA!

SHKARKO APP

Aksioni për prishjen e ndërtimeve pa leje në bregdet/ IKMT nuk ndalet nga presionet e Hysenbelliut

2 Dhjetor 2022, 08:49, Aktualitet CNA

Aksioni për prishjen e ndërtimeve pa leje në bregdet/ IKMT nuk

IKMT ka rinisur sërish sot aksionin për çlirimin e bregdetit nga ndërtimet pa leje.

Aksioni që u la përgjysmë në muajin gusht, nisi një ditë më parë në "Prestige Resort".

IKMT-së dhe forcat xheniere, pavarësisht presioneve të pronarit Irfan Hysenbelliu kanë zbritur edhe sot në terren, duke zbatuar ligjin.

Një ditë më parë, Hysenbelliu, nëpërmjet mediave të tij dhe një “ushtrie vasalësh”, tentoi të bënte presion për ndalimin e prishjes së ndërtimeve pa leje në "Prestige Resort".

Hysenbelliu pretendon se kjo po ndodh për shkak të hakmarrjes së Qeverisë në lidhje me linjën editoriale, por kryeministri Edi Rama, ishte i prerë dhe i qartë, dje në një dalje për mediat kur tha se është shkelur ligji.

“Kur diskutojmë për çështje që flasim për ligjin të njihemi me të dhe me procedurat. Për të mos bërë spekulime. Lexoni ligjin është i qartë. Masat për ndërtimet që bëhen në shkelje të lejeve janë të qarta. Të përshkallëzuar me ligj. Ka shembje, konfiskim dhe kështu me radhë…Pra lexoni ligjin me shumë vëmendje. Mos nxirrini konkluzione”, tha një ditë më parë Rama./CNA.al

Lajmet e fundit nga