web counter
LEXO PA REKLAMA!

SHKARKO APP

App Store
Google Play

E fundit!

x

Brenda pak orësh/ Bordi i Transparencës ndryshon çmimet e karburanteve

3 Dhjetor 2022, 14:57, Aktualitet CNA

Brenda pak orësh/ Bordi i Transparencës ndryshon çmimet e

Bordi i Transparencës ka ndryshuar sërish çmimet e karburanteve.

Duke nisur nga ora 18:00 sot, nafta do të tregtohet me 209 lekë/litër, një rritje me 3 lekë se dje.

Benzina do të shitet me 187 lekë nga 195 lekë/litër, që ishte nga vendimi i fundit.

Gazi do të tregtohet me 71 lekë/litër me pakicë dhe 59 lekë/litër për automjetet.

Njoftimi:

Vendimet e Bordit të Transparencës në datë 3 Dhjetor 2022 kanë ndryshime të çmimit nga ai i përcaktuar në mbledhjen e fundit.

Referuar të dhënave lidhur me bursën Platts të datës 02.12.2022, kemi ndryshime të çmimit nga ai përcaktuar në mbledhjen e fundit, konkretisht rezulton se çmimi (FOB/MED $ Ton) i Benzinës është 865, -76 nga data 02.12.2022, $/ Ton, ndërsa çmimi i Gazoilit/Diesel është 952, -35 nga data 02.12..2022, $/Ton. Kursi i këmbimit i BSH ka pësuar zbritje në 111.41 (-1.08 nga data 02.12.2022).

Si rrjedhojë çmimet e vendosura janë :

Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 209 lekë/litri, ndërsa i shitjes me shumicë jo më shumë se 197 lekë/litër.

Çmimi i shitjes me pakicë i nënproduktit benzinë e standardit SSH EN të jetë jo më shumë se 187 lekë/litri, ndërsa i shitjes me shumicë jo më shumë se 175 lekë/litër.

Çmimi i shitjes me pakicë i nënproduktit gaz, të jetë 71 lekë/litri me pakicë dhe i shitjes me shumicë 59 lekë/litër për automjetet.

Çmimi i gazoilit për peshkim është vendosur 116 lekë/litër./CNA.al





Lajmet e fundit nga