LEXO PA REKLAMA!

SHKARKO APP

E fundit!

x

Protesta e 6 dhjetorit/ Ambasada amerikane paralajmëron qytetarët

3 Dhjetor 2022, 14:29, Aktualitet CNA

Protesta e 6 dhjetorit/ Ambasada amerikane paralajmëron qytetarët

Ambasada amerikane ka paralajmëruar qytetarët lidhur me protestën që do të mbahet në 6 dhjetor nga opozita, në ditën kur në Tiranë do të zhvillohet edhe samite BE-Ballkani Perëndimor.

Përmes një postimi në rrjetet sociale ambasada këshillon qytetarët që të shmangin grumbullimet, pasi protestat mund të bllokojnë edhe trafikun në ato akse rrugore që do të jetë të hapura për lëvizjen e qytetarëve.

 “Për shkak të masave të marra në mbështetje të samitit BE-Ballkani Perëndimor në Tiranë të martën, pritet mbyllje e rrugëve dhe devijime të trafikut përgjatë gjithë ditës në qendër të kryeqytetit dhe në Unazë. Ambasada është në dijeni se mund të ketë një tubim në qendër të Tiranës. Protestat kanë potencialin të përhapen dhe në rrugët përreth duke shkaktuar bllokime të trafikut, devijime dhe mbyllje shtesë të rrugëve.

Qytetarët amerikanë këshillohen të shmangin grumbullimet e mëdha. Edhe pse shumë evente masive zhvillohen në mënyrë paqësore, disa situata mund të ndryshojnë shpejt dhe në mënyrë të paparashikueshme. Monitoroni mediat lokale dhe ndiqni udhëzimet e autoriteteve lokale të zbatimit të ligjit për informacionet më të fundit”, thuhet në njoftimin e misionit diplomatit të SHBA-së në vendin tonë./CNA.al

Lajmet e fundit nga