LEXO PA REKLAMA!

SHKARKO APP

Protesta e opozitës në 6 dhjetor/ Rama: Siguria e samitit nuk negociohet me askënd

4 Dhjetor 2022, 11:44, Aktualitet CNA
Protesta e opozitës në 6 dhjetor/ Rama: Siguria e samitit nuk
Kryeministri Edi Rama

Kryeministri Edi Rama ka komentuar protestën e opozitës që do të mbahet në 6 dhjetor në të njëjtën ditë që do të zhvillohet dhe Samiti BE-Ballkani Perëndimor.

Rama është shprehur se nuk beson se do të ketë incidente në protestë ndërsa thekson se siguria e samitit nuk negociohet me askënd.

S’besoj që do të kemi incidente. Samiti ka kohë që organizohet dhe përfshin shumë institucione.

Perimetri i sigurisë të samiteve nuk negociohet. Ndodh që forca të caktuara, organizata e grupime që janë kundër samiteve të bëjnë protesta. Nuk ndodh dhe nuk ka se si të bëhen protesta pro samiteve, por kundër. Ato zhvillohen jashtë perimetrave të sigurisë në të gjitha rastet e vendet. S'e shoh si çështje midis PS, qeverisë dhe një pjese të ashtuquajturës opozitë.

Duan vetëm të tregojnë se mblidhet gjithë BE në një narkoshtet. Njollosje, siguria e Samitit nuk negociohet me askënd”, tha Rama./ CNA.al

Lajmet e fundit nga