web counter
LEXO PA REKLAMA!

SHKARKO APP

App Store
Google Play

Blushi i Metës bëhet qesharak/ Nuk ndal “vajin” për ndërtimet pa leje të Irfan Hysenbelliut

4 Dhjetor 2022, 13:53, Aktualitet CNA
Blushi i Metës bëhet qesharak/ Nuk ndal “vajin” për
Sekretari i Përgjithshëm i Partisë së Lirisë, Tedi Blushi

Sekretari i Përgjithshëm i Partisë së Lirisë, Tedi Blushi, vijon të ‘qahet’ për prishjen e ndërtimeve pa leje të Irfan Hysenbelliut.

Blushi thotë se të prishësh ndërtimet që zaptojnë hapësirën publike në bregdet është një goditje e rëndë ndaj pavarësisë dhe lirisë së mediave.

Sipas tij, meqë Irfan Hysenbelliu është pronar mediash nuk duhet t’i prishen ndërtimet pa leje, duke e quajtur një akt terrorist.

"Për pak orë pritet që nga Grupi i Strukturuar Kriminal të realizohet akti terrorist shtetëror i hedhjes në erë me tritol i "Prestige Resort" në Golem, që funksionon sipas të gjithë ligjeve në fuqi të Republikës së Shqipërisë dhe për më tepër që është ndërtuar me miratimin nga vetë shembësi i saj Edi Rama në cilësinë e Kryetarit të KRT!

Ky atentat ndaj pronës private si koncept, ndaj turizmit shqiptar dhe mbi të gjitha ndaj medias së lirë ka një autor të vetëm: Edi Rama!

Është edhe tragjik edhe komik fakti që dhënësi i lejes së objektit të jetë njëkohësisht edhe shkatërruesi i saj!

Kjo përbën një përgjegjësi të rëndë penale e cila do të hetohet nga shteti real ligjor!

Nga pikëpamja ligjore rasti në fjalë është i paprecendent madje edhe gjatë kohës së diktaturës.

Janë zhbërë instituti i njoftimit të aktit administrativ (vendimi i shembjes) dhe i ankimit (kërkesa për pezullim në gjykatë) si instrumenta ligjore pa të cilat nuk mund të ketë çështje apo proces ligjor!

Është zhbërë siguria juridike e pronës private si themel i një shoqërie demokratike dhe tregut të lirë!

Është goditur rëndë pavarësia dhe liria e medias!

Shkallmimi i shtetit ligjor qëndron edhe në faktin se IKMT ka vendosur shembjen e objektit disa orë përpara se gjykata të shqyrtojë ligjshmërinë e veprimit të saj duke qenë e njoftuar zyrtarisht për datën dhe orën e gjykimit dhe e ftuar që të marrë pjesë në gjykim!

Kur fadromat e Edi Ramës dhe IKMT godet përpara se gjykata të shprehet për të njëjtën çështje shteti ligjor nuk ekziston më!

Ky akt terrorist nuk do të amnistohet kurrë!", shkruan Tedi Blushi./ CNA.al

 





Lajmet e fundit nga