web counter
LEXO PA REKLAMA!

SHKARKO APP

App Store
Google Play

"Urime që jeni tharë pasi u zhytët te pishinat e Irfan Hysenbelliut"/ Edi Rama ironizon opozitën

8 Shtator 2022, 11:46, Aktualitet CNA
"Urime që jeni tharë pasi u zhytët te pishinat e Irfan

Kryeministri Edi Rama deklaroi edhe një herë në Kuvend, ditën e sotme, nismën që do të ndërmarrin së shpejti për ndërtimet pa leje dhe që do të nisë fillimisht në Tiranë.

Ai foli gjithashtu edhe për prishjen e "Prestige Resort", ku u shpreh se do të marrë fund brutaliteti i ndërtimeve dhe se çdo qindarkë që do merret nga gjobat ndaj këtyre ndërtuesve do të shkojë për shpronësimin e qyterëve në zonat e "5 Majit", Astirit, apo të Unazës.

Nga foltorja e Kuvendit, kreu i qeverisë përmendi prishjet në “Prestige Resort”, ndërsa ironizoi deputetë e opozitës. Rama u zotua se do të marrë fund brutaliteti i ndërtimeve.

“Urime që jeni tharë pasi u zhytët në pishina e Irfan Hysenbelliut. Kjo tregon që ju punojnë mirë tharëset e flokëve. Për sa u përket ndërtimeve pa leje, jemi sot në një kohë kur këto janë shfaqjet e fundit të brutalitetit kapitalist. Kur e kemi nisur ne punë, ndërtimet pa leje, katet shtesë ishin pa fund. Sot në Tiranë numri i tyre është i vogël, por sigurisht janë aty. Do ta shikoni. Këta ose do t'i parablejnë me një çmim real tregu të indeksuar dhe do të paguajnë edhe gjobën. Me ato para ne do të çojmë te fondi i shpronësimit ose do ta dhurojmë ose do të konfiskohen dhe pastaj vazhdojnë me ndjekjen penale.
Sikur ne të kishim mendtë tuaja, Shqipëria do të ishte aty ku ishte. Ajo që do të ndodhë është së pari askush më nuk do e çojë për mend të bëjë metra katrorë shtesë se do të kenë halle me ligjin. Në të gjitha metrat që kanë ndërtuar përfituesit do të jenë të pastrehët, apo edhe ata tek Unaza e Re, ose do të jetë shteti që do t'i marrë për mjedise pune. Kjo do të ndodhë shumë shpejt në Tiranë, dhe nga rëra te plazhet”, deklaroi Rama./ CNA.al





Lajmet e fundit nga