E fundit!

18:07 Kosova & Bota

“Koha për ta çuar në vijën e finishit”/ Marta Kos njofton hapin e rëndësishëm të Malit të Zi në rrugën drejt BE-së

Komisionerja europiane për Zgjerim, Marta Kos ka bërë me d...

"E ardhmja e Shqipërisë është Europa"/ Presidenti italian, Sergio Mattarella: BE-ja pa Ballkanin nuk është e plotë

8 Shtator 2022, 11:36, Aktualitet CNA

"E ardhmja e Shqipërisë është Europa"/ Presidenti

Presidenti Begaj në konferencën me homologun italian Mattarella, kanë folur lidhur me rëndësinë e rritjes së bashkëpunimin ndërmjet dy vendeve.

“Vizitat e herë pas hershme si kjo e sotmja ndikojnë në forcimin e marrëdhënieve ndërmjet dy shteteve”, shprehet presidenti Begaj.

Begaj shprehet se Italia është një ndër investitorët më të rëndësishëm dhe se është shumë e rëndësishme që të rritet bashkëpunimi i agjencive ligjzbatuese.

“Italia është një palë e rëndësishme që mbështet Shqipërinë në rrugëtmin drejt Bashkimit Europian. Shqipëria është një partner me rëndësi në rajonin e Ballkanit. Shkëmbimet kulturore dhe investimet janë mjaft të rëndësishme. Marr në konsideratë se marrëdhënia jonë ka qenë konstante, kanë qenë të zhvilluara në kohë. Raporti dhe bashkëpunimet tona do të zhvillohen më tej, ne duhet të vijojmë ta ushqejmë këtë frymë bashkëpunimi edhe te brezat e rinj. Sa i takon nivelit të qeverisë. Italia është e gatshme të investojë edhe në sitet e mbrojtura nga UNESCO. Kjo është një formë tjetër sintonie dhe bashkëpunimi mes nesh. Edhe në aspektin ndërkombëtar, Shqipëria ka ecur në mënyrë efikase dhe e di që bashkëpunimi ynë do të vijojë edhe në sfidat e BE-së. E ardhmja e Shqipërisë është Europa. Pa Ballkanin Europa do të jetë e paplotësuar. Lufta në Ukrainë përbën një shqetësim të madh për ne, Italia do të ketë vëmendjen e saj në Ukrainë, për vendosjen e sovranitetit dhe integritetit europian, për të rritur perspektivën e këtij shteti, por edhe perspektivën europiane të Ukrainës. Italia do të bëjë një presion sa u takon sanksioneve të Rusisë. Ne po mendojmë një zgjidhje që konsiston në arritjen e paqes. Shpresojmë që kjo gjë të realizohet dhe të sjellim paqen përfundimtare.”- u shpreh presidenti Sergio Mattarella./ CNA.al