Lajthit sërish "Acromax" i Aldor Ninit/ Bllokon videot në mënyrë abuzive

31 Tetor 2025, 15:26, Acromax / Aldor Nini CNA

Lajthit sërish "Acromax" i Aldor Ninit/ Bllokon videot në

Aldor Nini, burimi i fotos: CNA

"Acromax" i Aldor Ninit ka raportuar videon e filmit “Në fillim të verës” që është një material krahasues me një qëndrim të mbajtur nga Erion Veliaj në Gjykatën Kushtetuese.

Një skenë filmi e realizuar 50 vite më parë nga kinostudioja "Shqipëria e Re” që ka tematikë luftën dhe pushtimin italian të Shqipërisë.

“Acromax” i Aldor Ninit e ka raportuar këtë me pretendimin se po përdoren sekuencat e prodhuesit të videogramit që është RTSH.

Bllokimi i videos në "Instagram"

Prodhuesi i filmit nuk është RTSH-ja, por kinostudioja "Shqipëria e Re" dhe RTSH s’ka të drejtë të mbajtjes së autorit.

Sekuencë në hyrje të filmit

E dyta, është film i realizuar mbi 50 vjet dhe, e treta, ne nuk kemi transmetuar një film, por kemi marrë një pasazh të tij disa sekonda ku thuhen të njëjtat fjalë që një politikan i thotë në Gjykatën Kushetuese me një aktor siç është Astrit Çerma që thotë “e bëra se më fyeu rëndë”. Dhe Erion Veliajn e kanë fyer rëndë.

Dhe ky është një krahasim me humor, me sarkazëm politike etj.

Veliaj ankohet në Kushtetuese për bashkëpunëtorët: Më kanë fyer rëndë
31 Tetor, 12:09

Ku është e drejta e autorit të "Acromax", Aldor Ninit, që na paska marrë dhe filmat shqiptarë dhe na e raporton tani dhe u vërsulet mediave?

Më poshtë po sjellim dhe justifikimin e bërë nga anëtarët e stafit për CNA.

“Materiali i filmit është përdorur, monitorohet nga ana e prodhuesit të videogramit, që në këtë rast është RTSH”, thuhet ndër të tjera në justifikimin e tyre.

"Acromax" i Aldor Ninit vazhdon në mënyrë abuzive siç ne kemi raportuar, të bllokojë video dhe audio me një platformë abuzive në Shqipëri.

Aldor Nini dhe “Acromax”, përndjekës të fjalës së lirë
11 Qershor, 15:11

Videoja është një pjesë e fjalimit të Veliajt dhe një pjesë e shkëptur nga filmi që prodhuesi është kinostudioja "Shqipëria e Re".

(VIDEOJA E BLLOKUAR)

Kaq është e drejta që na është dhënë nga sinjali i transmetimit. Kjo është njësoj si në rastin kur "Acromax" i Aldor Ninit na raportoi një video të 10 viteve më parë, e cila ishte shpërndarë zyrtarisht te të gjithë nga Digitalb, dhe "Acromax" i Aldor Ninit thoshte se e ka të drejtën e autorit "A1 Reporti", ndërkohë që e kishin të gjitha mediat të transmetuar, apo me dhjetëra budallallëqe të tij, që i kemi thënë përmes shkrimeve.

Më parë ka bllokuar videot që ne kemi pasur autorizimet, edhe pse është kërkuar që të mos i raportojë nga mediat që mbajnë këto të drejta. Ka hapur dhe gjyqe të padrejta, të cilat dhe i ka humbur, kërkon të negociojë dhe të zgjidhë situatën dhe tani ja ku jemi përballë faktit.