Aldor Nini i "Acromax" rrezikon deri në 4 vite burg për përndjekje

13 Qershor 2024, 15:13, Acromax / Aldor Nini CNA

Aldor Nini i "Acromax" rrezikon deri në 4 vite burg për

Aldor Nini në sallën e gjyqit, burimi CNA

CNA raportoi një ditë më parë se Aldor Nini, drejtuesi i “Acromax”-it, ishte vendosur nën akuzë nga Prokuroria e Tiranës. (Lexo këtu)

Burime zyrtare i thanë CNA-së se Aldor Ninit i ishte komunikuar akuza e përndjekjes, pasi ai pati një përplasje dhe përndoqi ish-të fejuarën e tij.

CNA mësoi se prokurorët e çështjes kanë siguruar materiale të plota në lidhje me profilet false në rrjetet sociale, “Limoni i Artë”, ku janë publikuar video të ish-të fejuarës së Aldor Ninit. (Lexo këtu)

Aldor Nini në Prokurorinë e Tiranës, burimi LSA

Sipas të dhënave të sjella në Shqipëri nga kompania “Meta”, llogaritë që cilat kanë përndjekur vajzën janë hapur në zyrë ose në një kafene poshtë zyrës së Aldor Ninit. Prokurorët dyshojnë se në hapjen e këtyre llogarive janë implikuar edhe kompania e tij “Acromax” dhe shtetësja Xhulja.

Aldor Nini mund të bëjë 4 vite burg

Tashmë që Aldor Ninit i është komunikuar zyrtarisht akuza, ai rrezikon deri në 4 vite burg për përndjekje.

Ekskluzive – Aldor Ninit i komunikohet akuza për përndjekje
12 Qershor, 12:15

Në nenin 121/a të Kodit Penal thuhet se:

“Përndjekja

(Shtuar me ligjin nr.23/2012, datë 1.3.2012, neni 15)

Kërcënimi ose ngacmimi i personit me anën e veprimeve të përsëritura, me qëllimin për t’i shkaktuar një gjendje të vazhdueshme dhe të rëndë ankthi apo frike për sigurinë vetjake, të një të afërmi ose të një personi, me të cilin ka lidhje shpirtërore, apo për ta detyruar të ndryshojë mënyrën e tij të jetesës, dënohet me burgim nga gjashtë muaj gjer në katër vjet.

Kur kjo vepër kryhet nga ish-bashkëshorti, ish-bashkëjetuesi apo personi që ka pasur lidhje shpirtërore me të dëmtuarin, dënimi rritet me një të tretat e dënimit të dhënë.

Kur kjo vepër kryhet ndaj të miturit, gruas shtatzënë ose një personi të pazotë për t’u mbrojtur, si dhe kur kryhet nga një person i maskuar ose shoqërohet me mbajtjen ose me përdorimin e armëve, dënimi rritet deri në një të dytën e dënimit të dhënë”.

Neni 121/a i Kodit Penal

3 kallëzimet ndaj përndjekësit Aldor Nini

Ky është vetëm një nga problemet që drejtuesi i “Acromax”-it ka me drejtësinë për historitë rozë. Përveç kallëzimit për përndjekje ndaj ish-të fejuarës, Aldor Nini është kallëzuar edhe dy herë të tjera.

Ish-bashkëshortja e Aldor Ninit, Anxhela Faber, e ka denoncuar atë për dhunë psikologjike dhe përndjekje të vazhdueshme. Gjithashtu ajo ngriti edhe dyshime se “në mjetin e saj mund të kishte një pajisje, e cila i kontrollonte lëvizjet”. (Lexo këtu)

Gjatë kontrollit të mjetit të saj nga policia, u konstatua se “në pjesën e poshtme të pasme të mjetit, në afërsi të prapakolpit, ishte fiksuar me magnet një pajisje si ato të GPS”.

Aldor Nini në sallën e gjyqit, burimi CNA

Rasti më i fundit është në maj të këtij viti. Aldor Nini është kallëzuar për rrëmbimin e vajzës së tij. (Lexo këtu)

Familjarët e ish-bashkëshortes kanë deklaruar në polici se drejtuesi i “Acromax”-it ka marrë vajzën e mitur më 26 maj, ditën kur kishte edhe takimin sipas gjykatës, por nuk ka pranuar ta kthejë mbrapsht.

Për këtë arsye, ai do të përballet me një tjetër akuzë penale.

Aldor Nini në Prokurorinë e Tiranës, burimi LSA

Megjithatë, duhet theksuar se përveçse përndjekës vajzash, Aldor Nini është edhe përndjekës i fjalës së lirë. (Lexo këtu)

Aldor Nini është njeriu që keqpërdor mjetet dhe hapësirat e platformave digjitale me kompaninë e tij “Acromax” në emër të të drejtave të autorit, për interesat e tij personale dhe politike.

Ky person që përndjek femrat dhe mediat, tashmë rrezikon burgun./ CNA