web counter
LEXO PA REKLAMA!

SHKARKO APP

App Store
Google Play

“Acromax”, kompania e censurës që drejtohet nga përndjekësi Aldor Nini

9 Qershor 2024, 09:45, Acromax / Aldor Nini CNA

Përveç rastit kur mediat blihen dhe përdoren nga pushteti apo koncesionet e tyre siç janë inceneratorët, korrupsioni politik, tenderët dhe influencat, një rast klasik tashmë prej vitesh i denoncuar në Shqipëri është ai i goditjes së medias kritike të pushtetit nga interesat e politikës.

Për këtë përdorin njëmijë e një instrumente dhe një nga këto, më abuzivet, e akuzuar edhe për censurë, e akuzuar në mënyrë të drejtpërdrejtë, është kompania “Acromax” e Aldor Ninit. Një kompani, e cila pretendon se mbron dhe imazhet e politikanëve apo mediave, e cila abuzon me hapësirat e saj ligjore për interesa krejtësisht klienteliste dhe deri korruptive.

Kompania “Acromax” është në pronësi të Aldor Ninit, një njeri i shumëdenoncuar si përndjekës, por edhe si dhunues. Shfaqet ekraneve, mbrohet nga media sepse paguan paratë për të drejtat që ata kanë në rrjetet sociale. Rasti kur shumica e mediave për 2 lekë shiten si kazane korrupsioni dhe interesash.

Megjithëse këto punë mund t’i bënin edhe me një njeri të thjeshtë fare pa u ngatërruar me të tillë përndjekës dhe skandalozë si Aldor Nini, mediat e ndryshme për shkak të shumave të mëdha të parave që ndajnë nuk e denoncojnë Aldor Ninin.

Ky i fundit sulmoi një media siç është “Newsbomb” dhe e goditi në rrjetet sociale, siç ka goditur edhe shumë media të tjera.

Shumë flasin, të tjerë heshtin, bëjnë pazar, por Aldor Nini ngelet një përndjekës me një kompani, e cila shkel ligjin, jo vetëm atë shqiptar, por edhe atë evropian. Abuzon, tejkalon kompetencat dhe hapësirat që i jepen një kompanie private duke shkelur të drejtën e informimit që kanë qytetarët.

Rastet më skandaloze janë ato për mbrojtje të imazhit kur mediat raportojnë siç është rasti i CNA-së për borxhet dhjetëra miliona euro të “DigitAlb”, një kompani publike për të cilën publiku ka interes sepse është ai që e paguan sepse është një kompani me pagesë. (LEXO KETU)

“Acromax”, kompania e censurës që drejtohet nga
Sulmi në rrjetet sociale nga "Acromax"
“Acromax”, kompania e censurës që drejtohet nga
Njoftimi i ardhur në rrjetet sociale pas sulmit të "Acromax"

Nga ana tjetër, Aldor Nini merr në mbrojtje kryebashkiakun Erion Veliaj, CNA e ka treguar me fakte dhe me prova se si tentoi të godiste CNA-në për një foto, e cila ishte publike në faqen zyrtare të Partisë Socialiste, ishte në aktivitet politik, në fushata elektorale dhe Aldor Nini ishte bashkëpunëtor i Erion Veliajt, kryetarit të organizatës së hajdutëve në Bashkinë e Tiranës, njeriut që është nën hetim pasuror.

Aldor Nini është përndjekësi i nënës së vajzës së tij, Aldor Nini i “Acromax” është përndjekësi i një vajze, (së cilës po i referohemi me iniciale, S.B.) së cilës çfarë nuk i bëri, u arrestua nga policia në datën 4 korrik të vitit 2023.

Ky është Aldor Nini i “Acromax”, por disa media vazhdojnë të bashkëpunojnë sepse kanë eksperiencë me këtë kompani, e cila drejtohet nga një individ, i cili është sa ushtar politik aq edhe bandit mediatik kundër interesave të qytetarëve, kundër informimit të tyre, kundër të vërtetës, sepse ai abuzon dhe censuron në mënyre kriminale mediat për llogari të politikës dhe për llogari të mediave të korruptuara të lidhura me politikën.

Erion Veliaj tek Aldor Nini është një fakt, “DigitAlb” dhe “Top Channel” tek Aldor Nini është një fakt, mbyllja dhe goditja e disa portaleve dhe faqeve të tyre në rrjetet sociale në mënyre abuzive, pasi nuk ka pasur asnjë shkelje të të drejtave thjesht dhe vetëm kanë transmetuar informacion në respektim të publikut janë fakte alarmuese.

Nga ana tjetër Aldor Nini kthehet në shërbëtor të mediave të korruptuara të pushtetit, të cilat ushtrojnë aktivitete gjobëvënieje, është partner i dhunuesve të fjalës së lirë, është partner i korrupsionit të fjalës së lirë, është partner i krimit që do të sundojë fjalën e lirë, një nga njerëzit që i shërben më shumë kësaj bande korruptivo-mediatike dhe politike është Aldor Nini, i cili është jo vetëm një individ, por me kompaninë e tij “Acromax” dhunon të drejtën e informimit, censuron mediat dhe kjo është e zbuluar tashmë me fakte dhe prova të padiskutueshme./ CNA

 





Lajmet e fundit nga