3 kallëzimet për përndjekësin e grave, Aldor Nini

10 Qershor 2024, 10:37, Acromax / Aldor Nini CNA

Aldor Nini, drejtuesi i kompanisë “Acromax Media”, është një person që ka probleme me drejtësinë.

Përtej abuzimeve të tij në emër të të drejtave të autorit me kompaninë “Acromax”, Aldor Nini është një person me precedentë penalë.

Ai është akuzuar si përndjekës dhe për këtë ka dhënë një vendim edhe gjykata. Sot do të marrim një nga një faktet për Aldor Ninin, i njohur ndryshe si përndjekësi i grave.

Aldor Nini, si vegël politike, përndjekës dhe sulmues ndaj medias
7 Dhjetor, 12:28
Akuzohet për përndjekje dhe dhunë/ Gjykata jep vendimin për menaxherin e VIP-ave
7 Korrik, 18:09

Gjyqi me ish-bashkëshorten

Anxhela Faber, ish-bashkëshortja e Aldor Ninit, denoncoi këtë të fundit për dhunë psikologjike dhe përndjekje të vazhdueshme, ndërsa ngriti edhe dyshime se “në mjetin e saj mund të kishte një pajisje, e cila kontrollon lëvizjet e saj”.

Gjatë kontrollit të mjetit të saj nga policia, u konstatua se “në pjesën e poshtme të pasme të mjetit, në afërsi të prapakolpit, ishte fiksuar me magnet një pajisje si ato të GPS”.

Për këtë çështje, Aldor Nini shkoi në gjyq me ish-bashkëshorten.

3 kallëzimet për përndjekësin e grave, Aldor Nini

Arrestimi nga policia

Megjithatë, kjo nuk është e vetmja damkë në biografinë e drejtuesit të “Acromax”. Ai është denoncuar për përndjekjen dhe shantazhin publik që u ka bërë vajzave me të cilat ka pasur lidhje dhe histori rozë.

Një ndër to është përplasja me ish-bashkëjetuesen e tij deri te një histori e dytë, e cila çoi në mbylljen e disa mediave, e disa rrjeteve sociale të “Newsbomb”.

Aldor Nini është personi që u arrestua në datën 4 korrik të 2023-shit, pasi ish-bashkëjetuesja e denoncoi për përndjekje dhe dhunë. (Lexo këtu)

Ai u mbajt në burg nga policia, pasi i publikoi video ish-bashkëjetueses, pa pëlqimin e saj.

Më 7 korrik të 2023-shit, Gjykata e Tiranës dha masën e sigurisë “arrest shtëpie” për Aldor Ninin, deri në depozitimin e garancisë pasurore.

3 kallëzimet për përndjekësin e grave, Aldor Nini

Aldor Nini në sallën e gjyqit, burimi CNA

Nën akuzat për përndjekje dhe dhunë ndaj ish-bashkëjetueses së tij, Aldor Ninit iu ndalua dalja nga territori i Shqipërisë pa autorizimin e gjyqtarit, masë kjo që do të zbatohet gjatë kohës që ai do të jetë nën masën e sigurimit "garancia pasurore”.

Megjithatë, drejtuesi i “Acromax”-it duket se nuk i ka ndalur shkeljet e ligjit, pasi së fundmi është denoncuar sërish në polici.

Skandali me vajzën

Në maj të këtij viti, Aldor Nini është kallëzuar për rrëmbimin e vajzës së tij. (Lexo këtu)

Familjarët e ish-bashkëshortes kanë deklaruar në polici se drejtuesi i “Acromax”-it ka marrë vajzën e mitur më 26 maj, ditën kur kishte edhe takimin sipas gjykatës, por nuk ka pranuar ta kthejë mbrapsht.

Për këtë arsye, ai do të përballet me një tjetër akuzë penale.

Kallëzimi për Aldor Ninin në lidhje me vajzën

Këto janë vetëm disa nga bëmat e historive rozë të Aldor Ninit, i cili ka përballje në gjykata edhe me artistë të shumtë, të cilët e kanë paditur për marrjen me të padrejtë të veprave të tyre artistike.

Përveç kësaj, Aldor Nini është denoncuar shpeshherë nga mediat për sulme ndaj tyre në emër të të drejtave të autorit.

Së fundmi, drejtuesi i “Acromax” ka nisur edhe një sulm ndaj CNA-së, që nisi pas një shkrimi të publikuar për “DigitAlb”. Tashmë Aldor Nini po sulmon të gjitha rrjetet sociale të CNA-së, duke bllokuar edhe shkrime të publikuara një apo dy vite më parë.

Duke përdorur të drejtat e autorit, Aldor Nini, përndjekësi i grave, po vijon sulme të njëpasnjëshme pa u ndalur, për interesa të klientelës së tij./ CNA