Skandali/ Aldor Nini dhe “Acromax” përdorin RTSH-në kundër mediave

13 Qershor 2024, 10:42, Acromax / Aldor Nini CNA

Ka kaluar çdo limit skandali i “Acromax” dhe Aldor Ninit me fjalën e lirë. Përveç sulmeve të njëpasnjëshme në rrjetet sociale është gjetur një zgjidhje tjetër, është keqpërdorur RTSH-ja.

Aldor Nini i kompanisë “Acromax” ka raportuar kanalin në “YouTube” të CNA-së në lidhje me një material, i cili është një njoftim zyrtar i sjellë në redaksinë tonë.

Në këtë foto do të shikoni si ka raportuar Radio Televizioni Shqiptar si pronësi të saj njoftimin e Ministrisë së Kulturës në lidhje me restaurimin e filmit “Guna përmbi tela”, një material i publikuar në faqen e ministrisë, nga vetë Kryeministri në rrjetet e tij sociale, i cili është bërë edhe lajm nga CNA-ja dhe është publikuar. (Lexo këtu)

Skandali/ Aldor Nini dhe “Acromax” përdorin RTSH-në

E-mail i ardhur nga "YouTube" për bllokimin e kronikës "Gunat përmbi tela"

Njoftimi për bllokimin e kronikës "Gunat përmbi tela" në "YouTube"

Aldor Nini i Acromax-it, i cili prej disa kohësh është marrë në shërbim nga Alfred Peza në RTSH ka përdorur median publike që paguhet nga taksat e qytetarëve për të goditur një media private. (Lexo këtu)

Ky është një rast flagrant dhe një krim që Aldor Nini kryen duke përdorur median publike për interesat e tij klienteliste personale. (Lexo këtu)

Një televizion kombëtar publik që paguhet nga taksat e qytetarëve raporton në rrjetet sociale një media private për një material që nuk e ka në pronësi televizioni publik, por është një material i publikuar nga ministria dhe Kryeministri, i cili është çuar dhe është shpërndarë në media zyrtarisht.

Statusi i publikuar nga kryeministri Edi Rama në rrjetin e tij social "Facebook", për filmin "Gunat përmbi tela"

Aldor Nini, për luftën e tij personale, për interesat e tij klienteliste, për shërbimin e tij ndaj politikës, ka përdorur RTSH-në për të goditur CNA-në.

Ky është një rast flagrant i turpshëm, jo vetëm për faktin që televizioni publik sulmon një media private, por një media private, e cila paguan taksat edhe për të mbajtur RTSH-në, sulmohet nga kjo e fundit për interesat klienteliste personale të një individi./ CNA