Sulmi i orkestruar ndaj CNA-së/ Këlliçi: Aldor Nini i “Acromax” në shërbim të Veliajt, tentohet censurimi

25 Qershor 2024, 11:15, Acromax / Aldor Nini CNA

Sulmi i orkestruar ndaj CNA-së/ Këlliçi: Aldor Nini i

Aldor Nini në sallën e gjyqit, burimi CNA

CNA prej javësh po përballet me një sulm të orkestruar nga Aldor Nini i “Acromax”, për bllokimin e rrjeteve tona sociale, me pretendimet e së drejtës së autorit.

Në një intervistë me gazetaren Fabjona Pasho, drejtuesi politik i PD-së për Tiranën, Belind Këlliçi, u shpreh se CNA sulmohet për interesa të Erion Veliajt, për shkak të politikës së saj editoriale, përkrah së vërtetës.

Sipas tij, ky sulm i paprecedentë tregon frikën dhe panikun që ka Erion Veliaj nga burgu dhe nga drejtësia.

Aldor Nini dhe “Acromax”, përndjekës të fjalës së lirë
11 Qershor, 15:11
9 FAKTE/ Aldor Nini dhe "Acromax", censurë dhe përndjekje e fjalës së lirë
10 Qershor, 11:44

"Kjo nuk ka të bëjë fare me të drejtën e autorit. Kjo ka të bëjë me faktin që ju jeni një media që nuk ka pranuar të bëjë kompromis dhe të hajë lugën e çorbës nga Erion Veliaj dhe jeni një media e pakapur nga qeveria dhe funksionarë të tjerë të shtetit. Jeni një media e lirë që keni qëndrimin tuaj, linjën tuaj editoriale dhe thoni atë që mendoni dhe i qëndroni linjës suaj. Në realitetin e Erion Veliajt, kjo është diçka e pabesueshme dhe e pamundur. Për këtë arsye ju goditeni në mënyrë permanente nga 'Acromax', duke ju censuruar video të ndryshme, denoncimet tuaja që prekin kryesisht Bashkinë Tiranë dhe janë tentativa të shëmtuara për të zhbërë një realitet që tashmë e njeh çdo qytetar shqiptar.

Drejtuesi politik i PD-së për Tiranën, Belind Këlliçi. Burimi: CNA

Ai sulm i paprecedentë që është duke u bërë ndaj CNA nga "Acromax", tregon frikën, panikun që ka Erion Veliaj nga burgu, nga drejtësia. Po të shtoni kështu edhe editorialet e shumta që prodhohen çdo ditë në mbrojtje të Erion Veliajt dhe kundër mediave që mbrojnë të vërtetën, apo portalet e tjera të financuara nga Veliaj, që baltosin cilindo opozitar apo gazetarë të lirë si në rastin e Elvi Fundos që shkruan për të vërteta të mëdha në mënyrë permanente, tregon fare qartë panikun që Erion Veliaj ka dhe faktin që nuk i blen dhe shantazhon këto media, apo funksionarë të opozitës. 'Acromax' është thjesht një tentativë e dëshpëruar.", theksoi ai.

Pavarësisht këtyre tentativave, CNA garanton edhe njëherë publikun se do të vijojë të bëjë transparencë dhe nuk do të mposhtet përpara asnjë sulmi që tenton ta censurojë./ CNA