E paimagjinueshme/ Aldor Nini i “Acromax”-it prodhon lajme për vajzën e tij

14 Qershor 2024, 14:46, Acromax / Aldor Nini CNA

E paimagjinueshme/ Aldor Nini i “Acromax”-it prodhon lajme për

Aldor Nini në sallën e gjyqit, burimi CNA

Ndoshta duket e pabesueshme, e paimagjinueshme, e dhimbshme se si një prind, si një baba, të prodhojë lajme për vajzën e tij apo të tentojë të sulmojë ish-bashkëshorten dhe të mashtrojë opinionin publik. (Lexo këtu)

Këtë mund ta bëjë vetëm Aldor Nini i “Acromax”-it, njeriu që përndjek vajzat, bashkëjetuesen e tij, që tashmë është nën akuzë nga Prokuroria e Tiranës, ka prodhuar lajme për vajzën e tij të mitur. (Lexo këtu)

Fotot që shikoni më poshtë janë të marra nga disa faqe web-i të televizioneve apo mediave të ndryshme, të cilat janë partnere të Aldor Ninit.

Shkrimi për vajzën e mitur te "Pamfleti"

Sipas verifikimeve të bëra nga CNA dhe të konfirmuara edhe zyrtarisht, teksti i këtij shkrimi është shpërndarë nga Aldor Nini. Mjafton të shikosh shkrimet dhe teksti është thuajse i njëjti.

Pra, është një dorë që ka dirigjuar të gjithë këtë krim të turpshëm që jo vetëm është një mashtrim publik ku kanë rënë pre edhe mediat, të cilat turpërisht kanë pranuar të publikojnë këtë, jo vetëm thjesht gënjeshtër, por këtë mostruozitet të prindit kundër fëmijës duke gënjyer, pasi e vërteta është krejt ndryshe. (Lexo këtu)

Shkrimi për vajzën e mitur te "Shqiptarja.com"

E vërteta është se Aldor Nini duhet të dërgonte vajzën e tij pasdite te nëna e tij dhe nuk ka pranuar ta dorëzojë. Ai është akuzuar se e ka mbajtur peng dhe është përplasur me familjarët e ish-bashkëshortes. Më pas janë dashur procedura të tjera ligjore, kallëzime në polici, etj. (Lexo këtu)

Për të treguar të kundërtën e ngjarjes që ndodhi, për të ngritur një mashtrim, shkon deri në prodhim lajmesh me të tilla linqe, gjoja me idenë për të ngritur imazhin e tij, por në fakt nuk ka bërë asgjë me shumë veçse ka “varrosur” imazhin e tij.

Shkrimi për vajzën e mitur te "Të Paekspozuarit"

Një prind normal kurrë nuk do të guxonte të bënte një shkrim për të mashtruar opinionin publik, duke përdorur apo keqpërdorur deri në monstruozitet fëmijën e tij të mitur, për një ngjarje kaq të dhimbshme që askush nuk do të donte ta dëgjonte e jo më ta lexonte si një lajm të prodhuar nga babai i fëmijës.

Ky është Aldor Nini i “Acromax”-it. Këto shkrime janë të sajuara dhe dirigjuara prej tij, pasi e vërteta është krejt ndryshe dhe tashmë çështja ndodhet në prokurori./ CNA