Fshiu lajmet kritike për Veliajn/ Media gjermane nxori zbuluar Aldor Ninin, e njëjta skemë si me CNA-në

15 Qershor 2024, 11:17, Acromax / Aldor Nini CNA

Fshiu lajmet kritike për Veliajn/ Media gjermane nxori zbuluar Aldor Ninin,

Aldor Nini, burimi CNA

Në një investigim dy mediat gjermane, netzpolitik.org dhe ARD FAKT raportuan 4 vite më parë, në mars të 2020 se kompania "Acromax" e Aldor Ninit, ka fshirë lajmet kritike për kreun e bashkisë së Tiranës, Erion Veliaj.

Lajmi i publikuar në median gjermane

Në shkrimin investigativ nënvizohet se kompania "Acromax Media" e Aldor Ninin ndihmoi qeverinë shqiptare të kufizojë lirinë e shtypit dhe lirinë e fjalës. Edhe pse vetë kompania e Aldor Ninit i ka mohuar akuzat duke përdorur tezën "e shkeljes së të drejtave të autorit", faktet tregojnë krejt të kundërtën. (lexo këtu)

Mediat gjermane sjellin rastin e "Faktoje", e cila pasi raportoi lajmet për Kopshtin Botanik të Tiranës, për çështjen e pronësisë dhe përplasjet me Univeristetin Bujqësor, ku u raportua për Erion Veliajn, videot u ankimuan nga Acromax dhe u hoqën nga rrjtetet sociale.

Lajmi i Faktoje i hequr nga Facebook në vitin 2020

E njëjta situatë ndodhi edhe me median "Exit News", ku për shkak të raportimeve të lajmeve që tregonin premtimet e pambajtura të Erion Veliajt, lajmet filluan të hiqeshin nga rrjetet sociale pas ndërhyrjes së Aldor Ninit.

Një bisedë në Facebook Messenger mes Aldor Ninit dhe gazetares Alice Taylor që shkruan për Exit News

"Neritan Sejamini, kryeredaktor i Exit News, ka përjetuar probleme të ngjashme. Faqja e lajmeve raporton në mënyrë kritike për punën e qeverisë, përfshirë planet e kryebashkiakut të Tiranës, Erion Veliaj, një prej politikanëve më të fuqishëm të vendit. Gjatë fushatës së tij elektorale, ai kishte premtuar në televizion se do të frenonte dhënien e lejeve të reja të ndërtimit. Që kur mori detyrën duket se ka ndryshuar mendje", shkruajnë mediat gjermane.

Në shkrim theksohet se pas gjithë këtyre sulmeve të mediave kritike ndaj Veliajt, qëndron "Acromax Media" dhe për një arsye kryesore, e cila është lidhja e tij me politikën. Pra Aldor Nini mbron Erion Veliajn. (lexo këtu)

"Netzpolitik.org dhe ARD FAKT kanë marrë mesazhe të shumta në të cilat Facebook ka informuar operatorët e faqeve për fshirjet. Një emër vazhdon të shfaqet vazhdimisht: Acromax Media", shkruan media gjermane.

Theksojmë se përdjekësi Aldor Nini të njëjta sulme ka bërë për vite me radhë edhe me CNA-në, kryesisht për lajmet apo investigimet që tregojnë aferat korruptive, apo zbërthjenë skemat e vjedhjes së miliona eurove. (lexo këtu)

Sulmet e tij ndaj CNA-së i ka vijuar intestivisht edhe javët e fundit, ku kërkon të censurojë lajmet kritike ndaj Erion Veliajt, duke i hequr nga Facebook dhe Youtube.(lexo këtu)

E-mail i ardhur nga "YouTube" për bllokimin e kronikave

Nini ka sulmuar hapur CNA për lajmet ndaj aferave korruptive si inceneratorët apo dosjen "5D". Konkretisht bëhet fjalë për lajmet me titujt:

"Si po e zhytin mediat e inceneratorëve kryebashkiakun Veliaj në skandalin e shekullit."

"Shpërthimet idiotike të Metës si grevëthyerje për skandalet e Erion Veliajt."

"Protesta e opozitës, si Erion Veliaj manipuloi ndërkombëtarët".

"Hallet e vërteta të Erion Veliajt."

"Afera "5D", dinjiteti që kërkohet nga zonjat e bashkisë."

Kronikat për Veliajn të bllokuara nga Acromax

Me këto raste Aldor Nini ka treguar qartazi lidhjen e tij me Erion Veliaj.Tashmë është kthyer hapur në një censurues ndaj fjalës së lirë dhe një përndjekës ndaj medias, ashtu siç ka përndjekur edhe bashkëjetueset e tij.(lexo këtu)

Por CNA nuk do të dorëzohet, pasi gjithçka e ka bërë me synimin e vetëm për të treguar realitetin dhe për informuar opinionin publik.(lexo këtu)

Lajmet e hequra nga Facebook

Theksojmë se të gjitha këto materiale për këto sulme banale dhe antiligjore, i janë dhënë një studioje ligjore ndërkombëtare që jo vetëm do ngrejë padi ligjore përkatëse, por do të ndjekë deri në detaje çdo abuzim dhe censurë të dirigjuar nga Aldor Nini në bashkëpunim me mediat e korruptuara të inceneratorëve dhe politikës. (lexo këtu)

Do të qëndrojmë përballë Aldor Ninit dhe kompanisë të tij "Acromax" për të mos hequr raportimet për skandalet e tij dhe subjektit të tij censurues që lufton mediat e lira./CNA