"Çmendet" kapter Peza dhe Aldor Nini i "Acromax", marrin peng konferencën e Metës

16 Qershor 2024, 10:48, Acromax / Aldor Nini CNA

"Çmendet" kapter Peza dhe Aldor Nini i "Acromax",

Alfred Peza dhe Aldor Nini/ Fotomontazh, burimi LSA dhe CNA

Aldor Nini i “Acromax”, së bashku me kapter Alfred Pezën, kanë marrë “peng” edhe konferencën për media të Ilir Metës. Në luftën kundër fjalës së lirë, Aldor Nini ka gjetur si bashkëpunëtor edhe Pezën, duke keqpërdorur RTSH-në, median shtetërore që paguhet me taksat e shqiptarëve. (lexo këtu)

Radio Televizoni Shqiptar në mënyrë skandaloze përdor "keyword"-et për të sulmuar CNA-në dhe këtë herë është kapur pas konferencës së Ilir Metës, të zhvilluar më 13 qershor.

Kronika me titull "Meta me gjuhë rrugaçësh, e llahtarisin prangat", është bllokuar në kanalin "YouTube" të CNA-së nga RTSH-ja për shkak të pamjeve të përdorura. Pra, për fjalën e Metës që është përdorur në kronikë. (lexo këtu)

E-mail për bllokimin e videos në Youtube

Por, duhet t'u sqarojmë të dy famozëve, kapter Pezës dhe Aldor Ninit të "Acromax", se konferenca për media e Ilir Metës nuk është pronësi intelektuale e RTSH-së, por sinjali prodhohet nga Partia e Lirisë. Edhe në këtë rast sinjali është dërguar nga PL-ja.

Pamjet e përdorura në kronikë janë marrë nga transmetimi "live" i konferencës së Partisë së Lirisë, e cila u transmetua në të gjitha mediat, përfshi këtu edhe CNA TV. RTSH-ja nuk ka asnjë të drejtë mbi këto plane. (lexo këtu)

Fjala e Metës në konferencën e 13 qershorit

Por, për kapter Pezën dhe Aldor Ninin ky sinjal që shpërndan Partia e Lirisë dhe Ilir Meta duhet marrë “peng”, pasi është në pronësi të RTSH-së. Gjithçka është skandaloze, e pabazuar në asnjë argument të mirëfilltë. (lexo këtu)

Kjo nuk është hera e parë. Pak ditë më parë, u bllokua në "YouTube"-in e CNA-së edhe një kronikë për restaurimin e filmit "Guna përmbi tela”. (lexo këtu)

Radio Televizioni Shqiptar raportoi si pronësi të saj njoftimin e Ministrisë së Kulturës në lidhje me restaurimin e filmit. Por ky ishte një material i publikuar në faqen e ministrisë, po kështu nga vetë Kryeministri Edi Rama në rrjetet e tij sociale. (lexo këtu)

Aldor Nini

Këto janë raste të turpshme, jo vetëm për faktin që televizioni publik sulmon një media private, por një media private, e cila paguan taksat edhe për të mbajtur RTSH-në, sulmohet nga kjo e fundit për interesat klienteliste personale të një individi. Në rastin konkret është Aldor Nini, i cili vijon me sulmet kriminale ndaj fjalës së lirë./CNA